យោងតាមការទម្លាយព័ត៌មានថ្មីៗនេះ បានបង្ហើបថា ស្មាតហ្វូនជំនាន់ថ្មី Huawei Pura 80 series អាចនឹងមានផ្លាស់ប្តូរផ្នែកសំខាន់ៗមួយចំនួនប្រៀបធៀបជាមួយនិងស្មាតហ្វូនជំនាន់មុនរបស់ខ្លួន។ ជាពិសេសគឺទៅលើជម្រើសពណ៌។ ប្រភពខាងលើនេះ និយាយថា ស្មាតហ្វូនត្រកូល Pura Series អាចនឹងមានការនាំមកនូវជម្រើសពណ៌ផ្សេងពីអ្វីដែលយើងធ្លាប់បានឃើញនាពេលកន្លងមកនៅលើ Pura 70 Series។
ផ្អែកតាមការបង្ហោះមួយនៅលើ Weibo ដោយអ្នកទម្លាយដែលមានឈ្មោះថា @BeijingDigitalMaster បានបង្ហាញថា ស្មាតហ្វូនជំនាន់ថ្មី Huawei Pura 80 series នេះ នឹងមានការនាំមកនូវពណ៌ថ្មីខុសពីមុន ប៉ុន្តែលោកមិនបានបញ្ជាក់ថា នឹងមានជម្រើសពណ៌អ្វីខ្លះនោះទេសម្រាប់ស្មាតហ្វូន Pura 80 Series ដោយលោកនិយាយថា គឺនឹងមានជម្រើសពិសេសបំផុត។
គួរបញ្ជាក់ថា កាលពីខែមេសាកន្លងទៅនេះ ក្រុមហ៊ុន Huawei បានប្រកាសចេញនូវស្មាតហ្វូនជំនាន់ថ្មី Pura 70 series នៅលើទីផ្សារ ដោយបានធ្វើការផ្លាស់ប្តូរពីឈ្មោះថា P Series មក Pura Series។ ហើយស្មាតហ្វូនថ្មីនេះ ក៏មានការផ្លាស់ប្តូរនូវការឌីស្សាញទៅលើម៉ូឌុលកាមេរ៉ានៅលើស្មាតហ្វូននេះផងដែរ។ ស្មាតហ្វូននេះមាបពណ៌ដូចជា៖
ម៉ូដែលស្តង់ដារ Pura 70: Rose Red, Crystal Blue, White, Black
ម៉ូដែល Pura 70 Pro: Roland Purple, Snow White, Feather Black
ម៉ូដែល Pura 70 Pro+: Silver, White, Phantom Black
ម៉ូដែល Pura 70 Ultra: Green, Mocha Brown, White, Black
ប្រភពខាងលើនេះបន្តថា ជាមួយនិងវត្តមានរបស់ Pura 80 series នៅពេលខាងមុខនេះ ក្រុមហ៊ុន Huawei ទំនងជានឹងមានការប្រើប្រាស់ពណ៌ដូចគ្នាជាមួយម៉ូដែលមុននេះខ្លះៗដែរ។ Huawei Pura 80 series ត្រូវបានគេរំពឹងថា អាចនឹងមានការប្រកាសចេញនៅត្រីមាសទី 2 ឆ្នាំ 2025 ខាងមុខនេះហើយ។ សម្រាប់ពេលនេះ នៅមិនទាន់មានព័ត៌មានថ្មីណាមួយដែលនិយាយពីស្មាតហ្វូនថ្មីនេះនៅឡើយទេ ក្រៅតែពីការទម្លាយចេញនូវការប្រើប្រាស់ពណ៌ថ្មី។
សូមជំរាថា កន្លងមក ធ្លាប់មានសេចក្តីរាយការណ៌ថា Pura 80 series នឹងមានការតម្លើងមកជាមួយនូវប្រព័ន្ធកាមេរ៉ាថ្មី ហើយក្នុងនោះក្រុមហ៊ុននេះក៏មានការតេស្តនូវសិនស័រថ្មីរបស់ OmniVision សម្រាប់ស្មាតហ្វូនជំនាន់ថ្មីនេះផងដែរ។ ស្មាតហ្វូននេះអាចនឹងមានការពង្រឹងខ្លាំងទៅលើកាមេរ៉ាជាមួយនិងការប្រើប្រាស់នូវសិនស័រថ្មីនេះ។ ស្មាតហ្វូននេះអាចនឹងមានថ្មទំហំ 6000mAh។
