យោងតាមសចក្តីរាយកាណ៌ថ្មីៗនេះ Huawei នឹងមានការបង្ហាញវត្តមានស្មាតហ្វូនអេក្រង់បត់បានជំនាន់ថ្មី Mate X6 និង Nova 13 series រួមជាមួយនិងផលិតផលថ្មីៗមួយចំនួនទៀតនៅលើទីផ្សារម៉ាឡេស៊ីនាថ្ងៃទី 18 ខែធ្នូសប្តាហ៌ក្រោយនេះហើយ។ គួរបញ្ជាក់ថា បន្ទាប់ពីការប្រកាសចេញជាផ្លូវការណ៌នៅលើទីផ្សារនៃទីក្រុង Dubai រួចមក ក្រុមហ៊ុន Huawei នៅពេលនេះ បានបន្តពង្រីកទីផ្សាររបស់ខ្លួនទៅកាន់ទីផ្សារសកលផ្សេងៗទៀតហើយ។
សូមជំរាបថា កាលពីថ្ងៃទី 12 ខែ 12 ឆ្នាំ 2024 នេះ ក្រុមហ៊ុន Huawei បានសម្ពោធជាផ្លូវការណ៌នូវផលិតផលថ្មីៗរបស់ខ្លួនជាច្រើនសម្រាប់ទីផ្សារសកល ដោយម៉ូដែលទាំងនោះរួមមានដូចជា Mate X6, Nova 13 series, FreeBuds Pro 4 និង FreeClip color edition ជាដើម។ ព្រឹត្តិការណ៌នេះបានប្រារព្ធឡើងនៅទីក្រុង Dubai ប្រទេសអារ៉ាប់រួម។ យោងតាមការចេញផ្សាយនៅថ្ងៃនេះ បានបញ្ជាក់ថា ក្រុមហ៊ុនបច្ចេកវិទ្យាយក្សចិនមួយនេះ នឹងមានការបង្ហាញចេញនូវ Huawei Mate X6, Nova 13 series ក៏ដូចជាផលិតផលមួយចំនួនទៀតនៅលើទីផ្សារប្រទេសម៉ាឡេស៊ីនាថ្ងៃទី 18 ខែធ្នូខាងមុខនេះហើយ។
តាមរយៈនៃការការប្រកាសព័ត៌មានខាងលើនេះ ក្រុមហ៊ុន Huawei បានទម្លាយនៅលើ X របស់ខ្លួន ដោយបានសសេរថា “Unfold the classic as a new era of flagship foldable excellence begins. Malaysia, 18th December 2024. #HUAWEI #HUAWEIMY #HuaweiLaunch #FashionForward #UnfoldTheClassic។
ជាមួយនិងវត្តមាន Mate X6 នៅឆ្នាំនេះ ក្រុមហ៊ុន Huawei នឹងធ្វើអោយព្រឹត្តិការណ៌របស់ខ្លួនកាន់តែអស្ចារ្យជាងរាល់ដងជាក់ជាមិនខាន ពីព្រោះថា តាមការរៀបរាប់ខាងលើនេះ គឺបានបញ្ជាក់ថា Mate X6 គឺជាស្មាតហ្វូនអេក្រង់បត់ជំនាន់ថ្មី ដែលមានការអាប់ដែតខ្លាំង ហើយថែមទាំងមានការគាំទ្រខ្លាំងពីសំណាក់អ្នកប្រើប្រាស់ ជាពិសេសនោះ ស្មាតហ្វូនអេក្រ់បត់បានរបស់ក្រុមហ៊ុននេះ គឺខកខានបប្រកាសចេញនៅលើទីផ្សារសកលអស់រយៈពេល 2 ឆ្នាំមកហើយ។ Mate X6 មានការបំពាក់នូវកាមេរ៉ា 4 គ្រាប់ និងមានការគាំទ្រនូវបច្ចេកវិទ្យា AI features ហើយនិងមានការប្រើប្រាស់នូវបន្ទះឈីប Kirin 9020 ថែមទៀតផង។
ចំពោះ Nova 13 series គឺជាម៉ូដែលមួយដែលមានការឌីស្សាញជាមួយភាពទាក់ទាញខ្លាំង ហើយម៉ូដែលនេះ គឺមាន 2 ជម្រើស គឺម៉ូដែលស្តង់ដារ ហើយនិងម៉ូដែល Pro។ ស្មាតហ្វូនថ្មីៗនេះ ត្រូវបានក្រុមហ៊ុនផ្តោតខ្លាំងទៅលើកាមេរ៉ា ជាពិសេសគឺបច្ចេកវិទ្យាថ្មីសម្រាប់ជំនួយដល់ការផលិតរូបភាព។ សម្រាប់ចំណុចចាប់អារម្មណ៍នោះ គឺនៅលើស្មាតហ្វូននេះ មានការតម្លើងមកជាមួយនូវ AI Best Expression។
