គិតមកដល់ឆ្នាំ 2024 នេះ យុទ្ធសាស្រ្តនៃការបង្ហាញនូវស្មាតហ្វូនថ្មីរបស់ក្រុមហ៊ុន Samsung ក៏មិនមានការផ្លាស់ប្តូរនោះទេ។ ក្រុមហ៊ុន Samsung បានត្រៀមខ្លួនរួចហើយនៅក្នុងការបញ្ចេញនូវស្មាតហ្វូនជំនាន់ថ្មី Galaxy S25 Series របស់ខ្លួននៅដើមឆ្នាំថ្មីដូចរាល់ដងអញ្ចឹង។ ថ្មីៗនេះមានសេចក្តីរាយការណ៌ជាច្រើនបាននិយាយថា ក្រុមហ៊ុន Samsung នឹងមានប្រកាសនូវស្មាតហ្វូន Galaxy S25 Series នេះ នៅក្នុងខែមករា ឆ្នាំ 2025 ខាងមុខនេះហើយ។
នៅពេលនេះ បើទោះបីជាមានការទម្លាយព័ត៌មានជាច្រើនរួចមកហើយក៏ដោយ ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ នៅមិនទាន់មានការបញ្ជាក់ជាផ្លូវការណ៌នៅឡើយទេថា នឹងមានការបង្ហាញនៅថ្ងៃណានោះទេ។ ប៉ុន្តែបើការបែកធ្លាយ និងពាក្យចចាមអារ៉ាមជាច្រើនខែមកនេះ មានការព្យាករណ៌ថា ស្មាតហ្វូនជំនាន់ថ្មីនេះ គឺនឹងបង្ហាញវត្តមានជាមួយម៉ូដែលស្តង់ដារ, Plus និង Ultra។ សូមជំរាបថា រយៈពេលប៉ុន្មានខែមកនេះ មានការជជែកជាច្រើនអំពីស្មាតហ្វូន Galaxy S25 Ultra ។
ខាងក្រោមនេះ គឺជាការអាប់ដេតចុងក្រោយបំផុតទៅលើស្មាតហ្វូនជំនាន់ថ្មីនេះហើយ៖
•ស្មាតហ្វូន Galaxy S25 Ultra នេះ នឹងមានគែមរាបស្មើ និងហើយនិងជ្រុងទាំង 4 មានរាងមូល
•កាមេរ៉ា Ring របស់ស្មាតហ្វូន Galaxy S25 Ultra នេះ ក៏អាចនឹងមានការឌីស្សាញស្រដៀងគ្នាទៅនឹងស្មាតហ្វូន Galaxy Z Fold 7 អញ្ចឹងដែរ
•ស្មាតហ្វូន Galaxy S25 Ultra នឹងមានរូបរាងស្លីមជាងមុនជាងម៉ូដែលជំនាន់មុនជាមួយនឹងកម្រាស់ត្រឹមតែ 8.2mm ប៉ុណ្ណោះ
•ក្រុមហ៊ុន Samsung នឹងបញ្ចេញនូវស្មាតហ្វូន Galaxy S25 Ultra ដែលមាន 4 ទំហំ និង 3 ពណ៌គឺ Titanium Blue, Titanium Grayនិង Titanium Silver
•សម្រាប់ពណ៌ផ្តាច់មុខនៅលើអនឡាញរបស់ស្មាតហ្វូន Galaxy S25 Ultra នេះ អាចជាពណ៌ Titanium Blue/Black, Titanium Jade Green និង Titanium Gold Pink
•សម្រាប់ពណ៌ស្តង់ដាររបស់ស្មាតហ្វូន Galaxy S25 Ultra គឺដូចគ្នាជាមួយពណ៌ SIM Tray
•ពណ៌គោលរបស់ក្រុមហ៊ុន Samsung ដែលជ្រើសរើសជាពិសេសសម្រាប់ស្មាតហ្វូន Galaxy S25 Ultra នេះគឺពណ៌ខៀវ
•អេក្រង់របស់ស្មាតហ្វូន Galaxy S25 Ultra នេះ គឺអាចស្រដៀងគ្នាទៅនឹងអេក្រង់របស់ស្មាតហ្វូន S24 Ultra
•ក្រុមហ៊ុន Samsung មិនប្រើប្រាស់នូវ M14 ក្នុងការផលិតទៅលើអេក្រង់របស់ស្មាតហ្វូន Galaxy S25 Ultra នោះទេ
•កាមេរ៉ា ultrawide របស់ស្មាតហ្វូននេះ អាចនឹងមានទំហំ 50MP Resolution, 3x optical zoom, OIS, 1/2.52-inch optical format, 0.7µm pixel និង F1.9 aperture
•Galaxy S25 Ultra អាចនឹងក្លាយជាស្មាតហ្វូន Flagship ដំបូងបំផុតរបស់ក្រុមហ៊ុន Samsung ដែលទទួលបាននូវការអាប់ដេត A/B Android OS
•ក្រុមហ៊ុន Samsung នឹងប្រើប្រាស់នូវបន្ទះឈីប Snapdragon 8 Elite chipផ្តាច់មុខសម្រាប់ស្មាតហ្វូន Galaxy S25 Ultra នៅជុំវិញពិភពលោក
•ស្មាតហ្វូន Galaxy S25 Ultra នេះអាចនឹងប្រើប្រាស់នូវបន្ទះឈីប Snapdragon 8 Elite SoC ហើយវាអាចនឹងបង្ករអោយមានការកើនឡើងកំដៅថែមទៀត
•ក្រុមហ៊ុន Samsung នឹងប្រើប្រាស់នូវ vapor chamber ធំជាងមុនដើម្បីបំភាយកំដៅកាន់តែប្រសើរជាងមុន
•ស្មាតហ្វូន Galaxy S25 Ultra អាចលេងហ្គេមកម្រិត 120Hz ដោយរលូនតាមរយៈបន្ទះឈីប Snapdragon 8 Elite និងបច្ចេកវិទ្យាចុងក្រោយបំផុតរបស់ក្រុមហ៊ុន Qualcomm
•រូបភាពរបស់ស្មាតហ្វូន Galaxy S25 Ultra បង្ហាញថាវាដំណើរការនូវ One UI 7.0
•ស្មាតហ្វូន 512GB និង 1TB Galaxy S25 Ultra នឹងមានរ៉េមទំហំ 16GB
•ក្រុមហ៊ុន Samsung អាចនឹងប្រើប្រាស់នូវបច្ចេកវិទ្យា MagSafe/Qi2 Charging សម្រាប់ស្មាតហ្វូន Galaxy S25 Ultra
•ក្រុមហ៊ុន Samsung អាចនឹងប្រកាសអំពីការ pre-order ទៅលើស្មាតហ្វូន Galaxy S25 Ultra នេះនៅថ្ងៃទី 22 ខែមករា
