យោងតាមសេចក្តីប្រកាសនានានាពេលថ្មីៗនេះ បាននិយាយថា នៅឆ្នាំក្រោយនេះ ក្រុមហ៊ុណ Apple នឹងមានការផ្លាស់ប្តូរយុទ្ធសាស្រ្តរបស់ខ្លួនមួយចំនួនទៅលើការនាំចេញសម្រាប់ iPhone Series។ កន្លងមក ក្រុមហ៊ុនេះ ត្រូវបានគេរាយការណ៌ថា នឹងមានការផ្លាស់ប្តូរចេញនូវម៉ូដែល Plus ដោយជំនួសមកនូវម៉ូដែលថ្មីដែលមានឈ្មោះថា iPhone 17 Air ដោយស្មាតហ្វូនថ្មីនេះ នឹងមានការឌីស្សាញរូបរាងថ្មី ហើយថែមទាំងមានការបំពាក់នូវកាមេរ៉ាក្រោយតែមួយគ្រាប់ប៉ុណ្ណោះ។
ទាក់ទងនឹង iPhone 17 Air នេះ នៅថ្ងៃនេះ មានការបញ្ជាក់ជាថ្មីថា ស្មាតហ្វូននេះ គឺមានការត្រៀមខ្លួនសម្រាប់ការផលិតហើយនេះបើតាមការទម្លាយចេញពីប្រភពសង្វាក់ផលិតកម្ម។ ជាមួយនិងជំហានដំបូងនេះ ក្រុមហ៊ុន Apple ហើយនិងដៃគូរបស់ខ្លួន គឺនឹងចាប់ផ្តើមធ្វើការរួមគ្នាទៅលើការឌីស្សាញរូបរាង ហើយនិងស្វែងរកនូវជម្រើសដ៏ប្រសើរសម្រាប់សង្វាក់ផលិតកម្មទៅលើស្មាតហ្វូននេះ។
បន្ថែមពីនេះក្រុមការងាររបស់ក្រុមហ៊ុនដែលជាដៃគូរនឹងគ្នានេះ ក៏នឹងបន្តធ្វើការងារជាច្រើនទៀត ទៅលើចំណុចដែលនៅសេសសល់សម្រាប់គម្រោងការផលិតស្មាតហ្វូននេះផងដែរ។ ហើយក្នុងកំឡុងពេលនៃដំណើរការងារខាងលើនេះ សម្រាប់ការឌីស្សាញទៅលើរូបរាងស្មាតហ្វូនជំនាន់ថ្មីនេះ ក៏អាចនឹងមានការផ្លាស់ប្តូរបន្តិចបន្តួចផងដែរ។ សម្រាប់ការងារបន្ទាប់ទៀត គឺខាង NPI នឹងធ្វើការផលិតសាកល្បងទៅលើស្មាតហ្វូននេះ ហើយនឹងបន្តធ្វើការងារតាមគម្រោងផែនការរបស់ក្រុមហ៊ុនតែម្តង។
