Find N5 ដែលជាស្មាតហ្វូនអេក្រង់បត់បានស៊េរីថ្មីរបស់ក្រុមហ៊ុន OPPO ត្រូវបានគេរំពឹងថា នឹងការបង្ហាញខ្លួននៅក្នុងទីផ្សារប្រទេសចិននាដើមឆ្នាំ 2025 នេះហើយ។ ស្មាតហ្វូនថ្មីនេះ ក៏នឹងបង្ហាញខ្លួននៅក្នុងទីផ្សារសកលនៅក្នុងនាមជាស្មាតហ្វូន OnePlus Open 2 ផងដែរ។ យោងតាមការចេញផ្សាយថ្មីៗនេះ បាននិយាយថា ស្មាតហ្វូនអេក្រង់បត់ថ្មីនេះ បានបង្ហាញខ្លួននៅលើវិញ្ញាបនបត្រចំនួន 2 រួចហើយ នៅក្នុងនោះមានដូចជា SIRIM នៅក្នុងប្រទេសម៉ាឡេស៊ី និង SDPPI នៅក្នុងប្រទេសឥណ្ឌូនេស៊ី រួមជាមួយនឹង Camera FV 5 database ជាមួយនឹងលេខម៉ូឌែល CPH2671 ផងដែរ។
បើតាមការបញ្ជាក់មុននេះបាននិយាយថា ស្មាតហ្វូនអេក្រង់បត់បាន OPPO Find N5 និង OnePlus Open 2 គឺនឹងក្លាយជាម៉ូដែលស្មាតហ្វូនដែលមានការឌីស្សាញរូបរាង ហើយនិងមានការប្រើប្រាស់នូវបច្ចេកវិទ្យា ក៏ដូចជាលក្ខណៈសម្បត្តិដូចគ្នា។ នៅក្នុងបញ្ជីនៃ Camera FV 5 database នេះ បង្ហាញថា ស្មាតហ្វូនអេក្រង់បត់បាននេះ គឺមានកាមេរ៉ាខាងក្រោយដែលមានទំហំ 12.6 MP ដែលកម្រិតភាពច្បាស់របស់វាគឺ 50MP។ សម្រាប់កាមេរ៉ាខាងមុខរបស់ស្មាតហ្វូនអេក្រង់បត់បាននេះ គឺទំហំ 7.1MP ដែលមានកម្រិតភាពច្បាស់ 28.4MP resolution។ កាមេរ៉ាខាងក្រោយរបស់ស្មាតហ្វូននេះ មានការគាំទ្រដោយកម្រិត f/1.9 Aperture ខណៈពេលដែលកាមេរ៉ា selfie របស់វាគឺ f/2.4 Aperture។
ស្មាតហ្វូនអេក្រង់បត់បាន OPPO Find N5 និង OnePlus Open 2 ត្រូវបានគេនិយាយថា អាចនឹងប្រើប្រាស់នូវបន្ទះឈីប Snapdragon 8 Elite SoC របស់ក្រុមហ៊ុន Qualcomm ហើយនឹងមានកាមេរ៉ាខាងក្រោយ 3 គ្រាប់ដែលមាន Periscope Telephoto ថាមពលថ្មទំហំ 5,900 mAh ជាមួយនឹងការទ្រទ្រង់ទៅលើបច្ចេកវិទ្យាសាកថ្មលឿន 80W wired និង 50W wireless charging និង IPX8 ផងដែរ។
