ដូចការគ្រោងទុកនៅថ្ងៃនេះ Samsung Galaxy S25 Ultra បានប្រកាសចេញជាផ្លូវការណ៌ហើយ។ ស្មាតហ្វូនថ្មីនេះ គឺមានការឌីស្សាញរូបរាងថ្មី មានមានគែមជុំវិញរាបស្មើរ និងជ្រុងទាំង 4 មានសភាពកោងខុសពីជំនាន់មុនផ្តល់នូវភាពងាយស្រួលនៅក្នុងការកាន់នៅក្នុងដៃ ហើយថែមទាំងមានការកម្រាស់ស្តើងត្រឹម 8.2mm និងមានទម្ងន់ត្រឹមតែ 218g ប៉ុណ្ណោះ។ម៉ូដែលថ្មីនេះ នៅតែបន្តប្រើប្រាស់នូវស៊ុមទីតានៀម ហើយនិងមានការគាំទ្រដោយកញ្ចក់ជំនាន់ថ្មី Corning Gorilla Armor 2 ដែលមានភាពធន់ជាងមុនទៀតផង។
ស្មាតហ្វូនថ្មីនេះ គឺមានការប្រើប្រាស់នូវអេក្រង់ទំហំ 6.8-អ៊ីង QHD+ គាំទ្រដោយកញ្ចក់ Dynamic AMOLED 2X panel ល្បឿន 1-120Hz refresh rate ហើយនិងមានភ្ជាប់នូវមុខងារ Vision booster និង Adaptive color tone ទៀតផង។ សម្រាប់កម្លាំងម៉ាស៊ូនវិញ នៅលើ Galaxy S25 Ultra គឺមានការបំពាក់នូវបន្ទះឈីប Snapdragon 8 Elite Mobile Platform for Galaxy អមដំណើរដោយរ៉េមទំហំ 12GB និងមានការពង្រីកនូវ vapor chamber cooling ទំហំធំជាងមុនដល់ទៅ 40%។ ក្រុមហ៊ុនបានបញ្ជាក់ថា បន្ទះឈីបនេះ មានល្បឿនលឿនជាងមុន 40% ទៅលើ NPU និង 37% ទៅលើ CPU និង 30% ទៅលើ GPU ។ ជាមួយការបង្កើន 40% ទៅលើ NPU នេះ គឺដើម្បីជំនួយទៅលើសមត្ថភាព AI។
នៅលើស្មាតហ្វូននេះ លោកអ្នកក៏ប្រើប្រាស់អាចប្រើប្រាស់នូវ Gemini នៅលើប៊ូតុង Power សម្រាប់ដំណើរទៅលើមុខងារ និងកម្មវិធីផ្សេងៗបានផងដែរ។ បន្ថែមពីនេះ Circle to Search ក៏អាចធ្វើការបានល្អជាងមុនទៅលើការស្វែងរកនូវ លេខទួរស័ព្ធ អ៊ីម៉ែល និង link URLs សម្រាប់ការបានដូចគ្នា។
មួយវិញទៀត Multimodal AI agents ក៏អាចជួយបកប្រែទៅលើភាសារ ការសន្ទនា រូបភាព ក៏ដូចជាវីដអូ បានទៀតផង។ បន្ថែមពីនេះ លោកអ្នកអាចស្វែងរកភាពនៅលើ Gallery តាមរយៈ Gemini ទៀតផង។ សម្រាប់មុខងារ AI suite គឺធ្វើការនៅលើប្រព័ន្ធ Android 15 ផ្អែកលើ One UI 7 ទាំងអស់។ ហើយក្រុមហ៊ុនបានដាក់អោយមានការអាប់ដែត Software ទៅលើ Galaxy S25 Ultra នេះ រហូតដល់ទៅ 7 ឆ្នាំ។
និយាយពីកាមេរ៉ាវិញនៅលើ Galaxy S25 Ultra គឺមានការបន្ថែមនូវកាមេរ៉ាទំហំថ្មី 50MP f/1.9 ទៅលើឡែន ultrawide ដែលអនុញាអោយអ្នកប្រើប្រាស់ផលិតរូបភាពបានកាន់តែស្អាត។ ស្មាតហ្វូននេះមានកាមេរ៉ាមេទំហំ 200MP f/1.7 និងមួយគ្រាប់ទៀតមាមទំហំ 50MP f/3.4 5x telephoto ខណៈដែលគ្រាប់ទីបួនមានទំហំ 10MP f/2.4 3x midrange zoomអ ស្មាតហ្វូននេះមានកាមេរ៉ាមុខទំហំ 12MP f/2.2 selfie camera។
ជាមួយគ្នានេះនៅលើកាមេរ៉ានេះ ក្រុមហ៊ុន Samsung ក៏មានការបំពាក់នូវបច្ចេកវិទ្យា AI ProVisual Engine ដែលផ្តល់នូវបទពិសោធន៌កាន់តែសំបូរបែបទៅលើការផលិតរូបភាពថែមទៀតផង។ នៅពេលនេះ Galaxy S25 Ultra អាចថតវីដេអូបានកម្រិត 10-bit HDR videos នៅលើកាមេរ៉ា default ហើយនេះក៏ជាម៉ូដែលដំបូងរបស់ Samsung ដែលមានមុខងារ Galaxy Log សម្រាប់ធ្វើការផលិតវីដេអូ អាចកែច្នៃទៅលើពណ៌ បានផងដែរ។ ជាមួយនិង Expert RAW នៅលើស្មាតហ្វូននេះ ក៏មានការតម្លើងនូវ Virtual Aperture mode ថ្មី ផ្តល់នូវសមត្ថភាពកាន់តែអស្ចារ្យ។ បន្ថែមពីនេះ Portrait Studio ក៏អាចអោយអ្នកប្រើប្រាស់បង្កើតនូវរូបភាពថ្មីតាមរយៈ AI ផងដែរ។
Samsung Galaxy S25 Ultra មានជម្រើសពណ៌ Titanium Silverblue, Titanium Black, Titanium Whitesilver និងTitanium Gray ហើយនិងមានទំហំ 12GB/256GB, 12GB/512GB និង 12GB/1TB ព្រមទំាងមានតម្លៃ €1,449/£1,249, €1,569/£1,349, and €1,569/£1,549។
