យោងតាមព័ត៌មានកន្លងមកបានបញ្ជាក់អោយដឹងថា Samsung នឹងមានការរៀបចំនូវព្រឹត្តិការណ៌ Galaxy Unpacked នៅថ្ងៃទី 22 ខែមករា ឆ្នាំ 2025 ខាងមុខនេះហើយ ដែលកម្មវិធីនេះ នឹងមានការបង្ហាញវត្តមាន ស្មាតហ្វូនជំនាន់ថ្មី Galaxy S25 Series រួមជាមួយនិងម៉ូដែលថ្មីៗជាច្រើនទៀត។ នៅថ្ងៃនេះ Tarun Vats បានទម្លាយចេញនូវតម្លៃ និងលក្ខណៈសម្បត្តិទូទៅរបស់ស្មាតហ្វូននេះថែមទៀតហើយ។ Samsung Galaxy S25 Series នឹងមានការបំពាក់នូវបន្ទះឈីប Snapdragon 8 Elite លើគ្រប់ម៉ូដែល ហើយនិងមានរ៉េមទំហំ 12GB។
អ្នកទម្លាយរូបនេះបានបង្ហាញថា Galaxy S25 ទំហំ 12GB+256GB នឹងមានតម្លៃ ₹84,999 និងទំហំ 12GB+ 512GB មានតម្លៃ ₹94,999។ Galaxy S25+ ទំហំ 12GB+256GB នឹងមានតម្លៃ ₹1,04,999 និងទំហំ 12GB+512GB មានតម្លៃ ₹1,14,999។ ចំពោះម៉ូដែល Galaxy S25 Ultra ទំហំ 12GB+256GB នឹងមានតម្លៃ ₹1,34,999 ខណៈដែលទំហំ 16GB+512GB មានតម្លៃ ₹1,44,999 និងទំហំ 16GB+1TB មានតម្លៃ ₹1,64,999។ ប្រៀបធៀបជាមួយនិង Galaxy S24 Series ស្មាតហ្វូន Galaxy S25 ទំហំ 12GB+256GB មានតម្លៃខ្ពស់ ជាង ₹5,000 ដែលបង្កើនពី ₹79,999 ទៅ ₹84,999។
Galaxy S25 និង S25+ ត្រូវបានគេរាយការណ៌ មានអេក្រង់ទំហំ 6.36-អ៊ីង និងមានទំហំ 6.7-អ៊ីង AMOLED displays ល្បឿន 120Hz refresh rates។ សម្រាប់ម៉ូដែល S25 ត្រូវបានគេនិយាយថា មានអេក្រង់ FHD+ resolution ខណៈដែល S25+ អាចនឹងមានអេក្រង់កម្រិត QHD+។ នៅលើ S25 នឹងមានថ្មទំហំ 4,000mAh គាំទ្រដោយកម្លាំងសាក 25W ខណៈដែល S25+មានថ្មទំហំ 4,900mAh គាំទ្រដោយកម្លាំងសាក 45W wired charging។ ស្មាតហ្វូនទាំងពីរ ក៏មានការគាំទ្រនូវកម្លាំង Qi2 wireless charging ផងដែរ។ ស្មាតហ្វូន S25 និង S25+ នឹងមានកាមេរ៉ាគោល 50MP និងគ្រាប់ទីពីរមានទំហំ 10MP telephoto ហើយនិងគ្រាប់ទីបីមានទំហំ 12MP ultra-wide។ ចំពោះកាមេរ៉ាមុខ គឺមានទំហំ 12MP។
ក្រឡេកមកមើលម៉ូដែល Galaxy S25 Ultra វិញ គឺមានអេក្រង់ទំហំ 6.9-អ៊ីង LTPO AMOLED display បង្ហាញចេញជាមួយនិងកម្រិត 1440p resolution ហើយនិងមានការការពារ Corning Gorilla Armor Glass។ ជាមួយគ្នានេះក៏មានពាក្យចចាមអារ៉ាមថា ការប្រើប្រាស់នូវកញ្ចក់ និងស៊ុមទីតានៀមនេះ នឹងធ្វើអោយស្មាតហ្វូននេះមានកម្រាស់ស្តើងជាងមុន និងមានទម្ងន់ស្រាលជាងជំនាន់មុនថែមទៀតផង។
ស្មាតហ្វូននេះដំណើរការនៅលើបន្ទះឈីប Snapdragon 8 Elite និងមានរ៉េមទំហំចាប់ពី 12GB និងមានកាមេរ៉ាគោលទំហំ 200MP គ្រាប់ទីពីរទំហំ 12MP telephoto និងទីបីទំហំ 50MP periscope telephoto ខណៈដែលទីបួនក៏មានទំហំ 50MP ultra-wide។ ស្មាតហ្វូននេះមានកាមេរ៉ាមុខមានទំហំ 10MP ហើយអាចនឹង មានថ្មទំហំ 5,000mAh គាំទ្រនូវកម្លាំងសាក 45W wired charging រួមជាមួយ Qi2 wireless charging។
