បន្ថែមពីនេះទៀតនោះ សម្រាប់ Hinge នេះអាចធ្វើអោយស្មាតហ្វូនមានកម្រាស់ស្តើងជាងមុនដល់ទៅ 0.5mm ហើយស្មាតហ្វូនថ្មីនេះអាចនឹងមានទម្ងន់ត្រឹមតែ 180g បើប្រៀបធៀបទៅនឹងស្មាតហ្វូន Samsung Galaxy Z Flip 7 គឺមានទម្ងន់ដល់ទៅ 188g ដែលធ្វើអោយអ្នកប្រើប្រាស់ងាយស្រួលក្នុងការប្រើស្មាតហ្វូននេះបាន រយៈពេលយូរម៉ោងដោយគ្មានបញ្ហា។

 ស្មាតហ្វូនអេក្រង់បត់ថ្មីនេះ អាចនឹងប្រើប្រាស់នូវថាមពលថ្មទំហំ 4,300mAh ជាមួយនឹងបច្ចេកវិទ្យាសាកថ្មលឿន 25W wired charging ស្រដៀងគ្នាទៅនឹងស្មាតហ្វូនជំនាន់មុនផងដែរ។ សម្រាប់ Speakers, Vibration Motor និង Cover Display គឺមិនមានការ Upgrade នោះទេ។

ស្មាតហ្វូនអេក្រង់បត់បានថ្មីនេះ ប្រើប្រាស់នូវកាមេរ៉ាគោលទំហំ 50MP និង 12MP Ultra-Wide Lens ជាមួយនឹងកាមេរ៉ាខាងមុខទំហំ 10MP ទៅលើអេក្រង់ខាងក្នុង។ ស្មាតហ្វូនថ្មីនេះ ប្រើប្រាស់នូវបន្ទះឈីប 2nm Exynos 2600 ជំនាន់ថ្មីរបស់ក្រុមហ៊ុន Samsung។

ស្មាតហ្វូន Galaxy Z Flip 8 ថ្មីនេះ អាចនឹងបង្ហាញខ្លួនជាមួយនឹងស្មាតហ្វូនបត់បានជាច្រើនទៀតនៅក្នុងព្រឹត្តិការណ៍ Galaxy Unpacked ដែលនឹងរៀបចំឡើងនៅក្នុងទីក្រុងឡុងនៅថ្ងៃទី 22 ខែកក្កដា 2026 ខាងមុខនេះ ។ សម្រាប់តម្លៃរបស់ស្មាតហ្វូនអេក្រង់បត់បានថ្មីនេះ អាចនឹងមានការកើនឡើងខ្ពស់ ដោយសារតែតម្លៃនៃសមាសភាគជាច្រើនរបស់ស្មាតហ្វូននេះឡើងថ្លៃ ប៉ុន្តែយើងនៅមិនទាន់ច្បាស់ថាឡើងថ្លៃប៉ុន្មាននោះទេ៕