Huawei Pura 90 Pro នឹងមានពណ៌ Gradient ស្រស់ស្អាត មិនធ្លាប់មាន!

ថ្មីៗនេះ ក្រុមហ៊ុនបច្ចេកវិទ្យាយក្សចិន Huawei ទើបតែចេញផ្សាយនូវវីដេអូផ្សព្វផ្សាយថ្មីមួយ ដែលបង្ហាញពីស្មាតហ្វូនជំនាន់ថ្មីរបស់ខ្លួនម៉ូដែល Pura 90 Pro ជាមួយនិងជម្រើសពណ៌ថ្មី Gradient ដែលមានការឌីស្សាញយ៉ាងស្រស់ស្អាតជាទីបំផុតសម្រាប់អ្នកប្រើប្រាស់។ នៅក្នុងវីដេអូខាងលើនេះ គឺមានការបង្ហាញនូវរូបរាងរបស់ស្មាតហ្វូនកាន់តែច្បាស់ ជាមួយនឹងការប្រើប្រាស់នូវពណ៌ Gradient លាយគ្នា ដែលក្រុមហ៊ុនហៅថា Orange Soda។

បន្ថែមពីនេះ នៅក្នុងវីដេអូខាងលើនេះ ក៏មានការបង្ហាញស្មាតហ្វូនជំនាន់ថ្មី Huawei Pura 90 Pro ជាមួយនឹងពណ៌ Pink Guava ដែលមានការបញ្ចូលគ្នានូវពណ៌ Pink នៅផ្នែកខាងលើ និងពណ៌ Yellow / Green ស្ថិតនៅផ្នែកខាងក្រោម។ ជាមួយគ្នានេះ ក្រុមហ៊ុននេះ ក៏បានទម្លាយនូវពណ៌ Coconut White ដែលមានពណ៌ White នៅផ្នែកខាងលើថែមទៀតផង។

គួរបញ្ជាក់ថា ក្រុមហ៊ុន Huawei ក៏ធ្លាប់បានប្រើប្រាស់នូវពណ៌ Gradient នេះ ជាលើកដំបូងបំផុតនៅលើស្មាតហ្វូន P20 Series កាលពីឆ្នាំ 2018 ផងដែរ។ ខណៈពេលនេះ ក្រុមហ៊ុនផលិតស្មាតហ្វូន Android ជាច្រើនទៀតក៏បានចាប់ផ្តើមនូវការប្រើប្រាស់ពណ៌ Gradient ដើម្បីធ្វើអោយស្មាតហ្វូននេះ កាន់តែមានភាពទាន់សម័យដូចគ្នា ។ ស្មាតហ្វូន Huawei Pura 90 Pro នឹងបង្ហាញខ្លួននៅថ្ងៃទី 20 ខែមេសានេះជាមួយនឹងស្មាតហ្វូន Pura 90 Pro Max រូមនិង Pura series ជាច្រើនទៀតផងដែរ៕