នៅក្នុងសេចក្តីថ្លែងការណ៍ព័ត៌មានដែលបានបង្ហោះបាននិយាយថា “សញ្ញាមិនប្រក្រតីពីប្រព័ន្ធបណ្តាញសៀគ្វីដែលរួមបញ្ចូលគ្នាសម្រាប់ការគ្រប់គ្រងថាមពលនៅក្នុងឧបករណ៍បញ្ជា ឬ instrument controller របស់យានយន្តអាចបណ្តាលឱ្យការបង្ហាញមានភាពយឺតយ៉ាវ”។ សេចក្តីថ្លែងការណ៍ដដែលបានបន្ថែមទៀតថា នៅពេលការបញ្ជាភ្លើងសញ្ញាបត់ត្រូវបានធ្វើឱ្យសកម្ម នូវត្រង់ចំណុចប្រទាក់ខាងក្រោយនៃឧបករណ៍បង្ហាញអាចជូបប្រទះបញ្ហាដូចជាធ្វើឲ្យអេក្រង់ប្រែទៅជាពណ៌បៃតង ដែលបង្កគ្រោះថ្នាក់ដល់សុវត្ថិភាពក្នុងការបើកបរ។

ពាក់ព័ន្ធនឹងបង្ហាញនេះ ក្រុមហ៊ុនសម្ព័ន្ធមិត្តបណ្តាក់ទុនរួមគ្នារបស់ Kia ក្នុងប្រភេទចិន បានប្រកាសដាក់ឲ្យមានការធ្វើបច្ចុប្បន្នភាព ដើម្បីដោះស្រាយបញ្ហានេះតាមរយះប្រព័ន្ធ Over-the-air ឬ OTA Technology។ ដោយឡែកសម្រាប់ Kia EV5 ដែលមិនអាចធ្វើបច្ចុប្បន្នភាពតាមរយៈ OTA បាន ក្រុមហ៊ុន Kia នឹងអញ្ជើញម្ចាស់ពាក់ព័ន្ធតាមរយៈអ្នកចែកចាយដែលមានការអនុញ្ញាត ដើម្បីអនុវត្តការប្រមូលមកវិញ ដើម្បីបង្ការកុំឲ្យកើតមានហានិភ័យផ្នែកសុវត្ថិភាពអ្នកប្រើប្រាស់។

ក្រុមហ៊ុន Kia បានចេញលក់ឡានអគ្គិសនី EV5 ក្នុងខែវិច្ឆិកា ឆ្នាំ 2023 ហើយជាឡាន SUV អគ្គិសនីសុទ្ធដំបូងរបស់ខ្លួនដែលបានបង្ហាញខ្លួនជាលើកដំបូងនៅក្នុងប្រទេសចិនសម្រាប់ទីផ្សារពិភពលោក។ បច្ចុប្បន្ន EV5 មានតម្លៃចាប់ពី 149,800 យាន់ ឬប្រហែល $21,800 ក្នុងប្រទេសចិន។ យោងតាមរបាយការណ៍លក់ក្នុងទីផ្សារប្រទេសចិន បង្ហាញថា ការលក់សរុបរបស់ Kia EV5 នៅប្រទេសចិន គឺមានចំនួនសរុបត្រឹមតែ 572 គ្រឿងប៉ុណ្ណោះ ក្នុងរយៈពេលមួយឆ្នាំពេញនៃឆ្នាំ 2025៕