Samsung កំពុងធ្វើការនៅលើសិនស័រថ្មី 200MP ទំហំ 1 អ៊ីងសម្រាប់ Galaxy S27

ក្រោយពីការដាក់ចេញនូវស្មាតហ្វូនជំនាន់ថ្មី Galaxy S26 Series រួចមក នៅថ្ងៃនេះ មានការលេចនូវព័ត៌មានថ្មីថា ក្រុមហ៊ុន Samsung បានត្រៀមខ្លួននៅក្នុងការប្រើប្រាស់នូវកាមេរ៉ាសិនស័រថ្មីទំហំ 200MP សម្រាប់ស្មាតហ្វូនលំដាប់ Flagships ជាច្រើននាពេលខាងមុខរបស់ខ្លួនថែមទៀតហើយ។ តាមរយៈនៃការបែកធ្លាយថ្មីមួយចេញពីប្រទេសចិន បានអោយដឹងថា ក្រុមហ៊ុនកូរ៉េខាងត្បូងមួយនេះ កំពុងតែធ្វើការនៅលើសេនស័រថ្មីដែលហៅថា ISOCELL HPA ហើយ។

តាមព័ត៌មានចេញពីអ្នកទម្លាយ Digital Chat Station បានអះអាងថា សិនស័រ ISOCELL HPA នេះ គឺមានការបំពាក់នូវ 1/1.12 អ៊ីង optical format ដែលមានទំហំធំជាងសិនស័រ 200MP នាពេលបច្ចុប្បន្ របស់ក្រុមហ៊ុន Samsung ដូចជា HP2 និង HP3 ដែលមានទំហំ 1/1.3 អ៊ីង។ ប្រភពខាងលើនេះ បន្តថា សិនស័រ 1/1.12 អ៊ីងនេះ មានសមត្ថភាពខ្ពស់ក្នុងការចាប់ពន្លឺបានប្រសើរជាងមុន ហើយវាក៏ពង្រឹងទៅលើគុណភាពរូបភាពបានយ៉ាងល្អផងដែរ។

ទៅលើលក្ខណៈពិសេសនោះ គឺប្រើប្រាស់នូវបច្ចេកវិទ្យា LOFIC (Lateral Overflow Integration Capacitor) LOFIC នេះត្រូវបានឌីស្សាញឡើងក្នុងការពង្រីកនូវ dynamic range នៅក្នុងកម្រិត hardware អោយទទួលបាននូវកម្រិត highlight និង high-contrast scenes បានច្រើនកាន់តែល្អជាងមុនផងដែរ។ សិនស័រ ISOCELL HPA នេះគ្រោងនឹងដាក់អោយ ប្រើប្រាស់នៅក្នុងឆ្នាំ 2027 នេះ ហើយនឹងមានវត្តមាននៅលើស្មាតហ្វូន Galaxy flagships ផងដែរ។ តាមការបែកធ្លាយចេញពី Ice Universe បញ្ជាក់ថា ស្មាតហ្វូន Galaxy S27 Ultra អាចនឹងប្រើប្រាសនូវសេនស័រកាមេរ៉ា 200MP ផ្សេងដែលមានឈ្មោះហៅថា ISOCELL HP6៕