តាមពិតទៅលើ ក្រុមហ៊ុន Samsung គឺមានស្មាតហ្វូនដែលមានការគាំទ្រនូវប្រព័ន្ធផ្កាយរណបដែលគ្រប់គ្នាស្គាល់ថា គឺជា satellite communication ហើយ ប៉ុន្តែកន្លងមក ក្រុមហ៊ុននេះមិនបានបញ្ជាក់ច្បាស់នៅពេលសម្ពោធស្មាតហ្វូនជំនាន់ថ្មីរបស់ខ្លួន Galaxy S26 series កាលពីពេលថ្មីៗនេះនោះទេ។ នៅថ្ងៃនេះ ដើម្បីស្រាយចម្ងល់អោយច្បាស់នោះ ក្រុមហ៊ុន Samsung បានចេញមកប្រកាសហើយថា នៅគ្រប់ម៉ូដែល Galaxy S26 series ដែលមានដូចជា Galaxy S26, Galaxy S26+ និង Galaxy S26 Ultra គឺសុទ្ធតែមានការទ្រទ្រង់នូវ satellite communication ទាំងអស់។

Samsung បានបញ្ជាក់បន្ថែមថា ការដាក់អោយមានការនូវ satellite communication នៅលើស្មាតហ្វូន Galaxy S26 series នាពេលនេះ គឺជាការឆ្លុះបញ្ចាំងពីការប្តេជ្ញាចិត្តរបស់ខ្លួននៅក្នុងការនាំមកនូវសុវត្ថិភាពកាន់តែខ្លាំងថែមទៀតសម្រាប់អ្នកប្រើប្រាស់តាមរយៈនៃការប្រើប្រាស់ទៅលើបច្ចេកវិទ្យាចល័តដែលមាននៅលើស្មាតហ្វូន។ សូមជំរាបថា satellite communication គឺជាប្រព័ន្ធទំនាក់ទំនងថ្មីមួយ ដែលអាចអោយអ្នកប្រើប្រាស់ធ្វើការខល និងផ្ញើរសារបាន បើទោះបីជាមិនមានសេវាទូរស័ព្ទក៏ដោយ។

តាមការបញ្ជាក់ពីលោក Won-Joon Choi ដែលជាអគ្គនាយក និងជានាយកប្រតិបត្តិ ហើយនិងជាប្រធានផ្នែក R&D Office នៃសាជីវកម្ម Mobile eXperience (MX) Business របស់ក្រុមហ៊ុន Samsung Electronics បានអោយដឹងថា នៅពេលដែល Satellite communication ក្លាយជាជាប្រព័ន្ធទំនាក់ទំនងថ្មីមួយ ដែលមានសារៈសំខាន់សម្រាប់បច្ចេកវិទ្យាចល័តនោះ ក្រុមហ៊ុនគឺមានគោលដៅចង់អោយអ្នកប្រើប្រាស់ស្មាតហ្វូនរបស់ខ្លួនកាន់តែជឿជាក់ និងមានភាពសំបូរបែបថែមទៀត ហើយនិងទុកចិត្តបានទៅលើស្មាតហ្វូន។

មកដល់ពេលនេះ Samsung បានចាប់ដៃជាមួយក្រុមហ៊ុនផ្តល់សេវាទូរគមនាគមន៌ជាច្រើន មានទាំង នៅអាមេរិកខាងជើង អឺរ៉ុប និងជប៉ុន ដើម្បីផ្តល់នូវការគាំទ្រនូវ Satellite communication ដែលជាប្រព័ន្ធទំនាក់ទំនងថ្មីមួយនេះ សម្រាន់ស្មាតហ្វួមួយចំនួនរបស់ Galaxy smartphones ដែលមានទាំង Galaxy S26 series ផងដែរ។