បែកធ្លាយរូបភាព CAD Render របស់ស្មាតហ្វូនស៊េរីថ្មី Motorola Razr 70 Ultra ស្មាតហ្វូនស៊េរីថ្មី Motorola Razr 70 Series ត្រូវគេរំពឹងថា នឹងបង្ហាញខ្លួននៅក្នុងពេលប៉ុន្មានសប្តាហ៍ខាងមុខនេះ។ ថ្មីៗនេះ ស្មាតហ្វូនជំនាន់ថ្មី Razr 70 បានបែកធ្លាយនៅលើ TENAA រួចហើយ ដែលមានការទម្លាយអំពីលក្ខណៈសម្បត្តិជាច្រើនរបស់ស្មាតហ្វូននេះ។ នៅពេលនេះ មានការបែកធ្លាយរូបភាព Render របស់ស្មាតហ្វូន Razr 70 Ultra។ នៅក្នុងការបែកធ្លាយខាងលើនេះ ស្មាតហ្វូនជំនាន់ថ្មី Razr 70 Ultra នេះ នឹងមានកម្រាស់ក្រាស់ជាងស្មាតហ្វូន Razr 60 Ultra ដែលចេញកន្លងមក។

ស្មាតហ្វូនអេក្រងបត់បាន Clamshell Foldable ថ្មីនេះ នឹងមានវិមាត្រ 171.3 x 74.1 x 7.8 mm នៅពេលដែលបើក និងបិទជាមួយនឹងកម្រាស់ 88.0 x 74.1 x 15.8mm។ ទន្ទឹមនឹងនេះផងដែរ ស្មាតហ្វូន Razr 60 Ultra មានកម្រាស់ 7.2mm នៅពេលដែលបើក និងកម្រាស់ 15.7 mm នៅពេលដែលបិទ។

ការបែកធ្លាយនេះ បានបញ្ជាក់ថា ស្មាតហ្វូននេះនឹងមានការបង្កើនទៅលើទំហំថាមពលថ្ម និងការពង្រឹងទៅលើកាមេរ៉ាថែមទៀត។ រូបភាពនេះបង្ហាញនូវប៊ូតុង Moto AI button នៅគែមខាងឆ្វេង ខណៈពេលដែលគែមខាងស្តាំរបស់ស្មាតហ្វូននេះមានប៊តុង Volume / Power ។ ផ្នែកខាងក្រោមរបស់ស្មាតហ្វូននេះមាន microphone, speaker grille, SIM slot និង USB-C port ។

ការបែកធ្លាយថ្មីនេះ បានទម្លាយទៀតថា ស្មាតហ្វូនជំនាន់ថ្មី Razr 70 Ultra នេះ មានអេក្រង់ខាងក្នុងទំហំ 7 អ៊ីង inner Display និងអេក្រង់ខាងក្រៅទំហំ 4-អ៊ីង Cover Screen។ ស្មាតហ្វូនថ្មីនេះ មានទំហំដូចគ្នាទៅនឹងស្មាតហ្វូន Razr 60 Ultra។ ស្មាតហ្វូន Razr 70 Ultra នេះនឹងបំពាក់នូវបន្ទះឈីប Snapdragon 8 Elite Gen 5 SoC ខណៈពេលដែលលក្ខណៈសម្បត្តិជាច្រើនទៀតរបស់ស្មាតហ្វូននេះមិនទាន់ទម្លាយនោះទេ៕