ក្រុមហ៊ុនផលិតរថយន្តអាមេរិក RAM បានធ្វើការប្រកាសចេញរថយន្តភីកអាប់ស៊េរីថ្មីឆ្នាំ 2025 ម៉ូដែល RAM 1500 ដែលមានជម្រើសពីរម៉ូដែល គឺ Ram 1500 Laramie Sport និង Ram 1500 Limited។រថយន្តភិកអាប់ស៊េរីថ្មីរបស់ក្រុមហ៊ុនអាមេរិកនេះ ត្រៀមខ្លួនក្នុងការចូលទៅអុកឡុកក្នុងទីផ្សារអូស្ត្រាលីក្នុងខែមេសានេះផងដែរ។
2025 Ram 1500 Laramie Sport មានតម្លៃខ្ទង់ $141,950 តម្លៃចេញពីរោងចក្រមិនទាន់គិតពន្ធ ដែលតម្លៃនេះ គឺថ្លៃជាងជិត $22,000 បើធៀបនឹងតម្លៃជំនាន់ឆ្នាំ 2024 ដែលមានតម្លៃខ្ទង់ $119,950។ ហើយតម្លៃនេះ ក៏ខ្ពស់ជាងម៉ូដែល Chevrolet Silverado ZR2 ដែលមានតម្លៃខ្ទង់ $138,000, Ford F-150 Lariat SWB ដែលមានតម្លៃខ្ទង់ $139,950 ប៉ុន្តែធូរថ្លៃជាងម៉ូដែល Toyota Tundra Limited ដែលមានតម្លៃខ្ទង់ $155,990 ។ ចំនែកម៉ូដែល Ram 1500 Limited 2025 មានតម្លៃខ្ទង់ $159,950 (មិនទាន់គិតពន្ធ) ដែលធ្វើឲ្យម៉ូដែលនេះក្លាយជារថយន្ត Pick up ដែលមានតម្លៃថ្លៃជាងបំផុតក្នុងស្រឡាយរថយន្ត Pick up ដូចគ្នា។
RAM 1500 Laramie Sport 2025 បំពាក់នូវយ៉ាន់កង់ទំហំ 20-inch ខណៈម៉ូដែល RAM 1500 Limited ប្រើប្រាស់យ៉ាន់កង់ទំហំ 22-inch ជាប្រភេទយ៉ាន់ Alloy។ ទៅលើទំហំវិមាត្ររថយន្តទាំងពីរ គឺដូចគ្នា ដោយមានបណ្តោយ 5,916mm/ ទទឹង 2,084mm/កំពស់ 1,971mm និងគម្លាតកង់មុខទៅកង់ក្រោយ 3,672mm។ ចំនែកគម្លាតចន្លោះពីកង់ម្ខាងទៅកង់ម្ខាងទៀត គឺ 1,270mm និងកំពស់ពីផ្ទៃដីមកបាតរថយន្ត 509mm។ ជាមួយគ្នានេះ RAM 1500 ស៊េរីឆ្នាំ 2025 មានភ្ជាប់មកជាមួយ RamBox Storage ដែលអាចផ្ទុកអីវ៉ាន់បានសរុបដល់ 420 លីត្រ ឬស្មើរនឹង 210 លីត្រសម្រាប់ RamBox ម្ខាងៗ។
ទៅលើកំលាំងអូសទាញរថយន្តវិញ Pick Up ស៊េរីថ្មីឆ្នាំ 2025 ទាំងពីរម៉ូដែលរបស់ RAM ពឹងផ្អែកទៅលើម៉ាស៊ីនជំនាន់ថ្មី Hurricane twin-turbo inline six-cylinder ភ្ជាប់ដំណើរការដោយប្រអប់លេខស្វ័យប្រវត្តិ 8 វគ្គ ដែលផ្តល់អនុភាពកំលាំងទៅកាន់កង់ទាំង 4 ឬ Four-wheel-drive។ សម្រាប់ម៉ាស៊ីនរបស់ RAM 1500 Laramie Sport 2025 អាចផលិតកំលាំងបាន 313kW និងកំលាំងរមូល 635Nm ចំនែកម៉ូដែល RAM 1500 Limited អាចផលិតកំលាំងបាន 403kW និងកំលាំងរមូល 707Nm។ ចំពោះម៉ូដែល RAM 1500 Limited មានភ្ជាប់មកជាមួយធុងសាំងធំដែលអាចផ្ទុកបានចំនុះដល់ 125 លីត្រ រីម៉ូដែល Laramie Sport មានធុងសាំងអាចផ្ទុកបានចំនុះ 98 លីត្រ។
ទៅលើកម្រិតស៊ីសាំងវិញម៉ូដែល Laramie Sport ចំនាយអស់ 10.74L/100km ខណៈម៉ូដែល Limited ស៊ីប្រមាណ 11.79L/100km ដែលស៊ីតិចជាម៉ូដែល Chevrolet Silverado ZR2 ដែលស៊ី 12.2L/100km និង Ford F-150 ស៊ី 12.5L/100km។ RAM 1500 Laramie Sport មានសមត្ថភាពអាចអូសសណ្តោងទំងន់បាន 4,500kg និងបន្ទុកទំងន់នៅគ្រែដឹកខាងក្រោយអាចដាក់បាន 863kg។ ចំនែកម៉ូដែល Limited វិញអាចអូសសណ្តោងទំងន់បាន 4,200kg និងបន្ទុកទំងន់សម្រាប់គ្រែដឹក គឺ 782.5kg។ សម្រាប់ម៉ូដែល RAM 1500 Limited 2025 មានបំពាក់មកជាមួយមុខងារថ្មីហៅថា three-mode air suspension ខណៈមុខងារ Trailer Sway Control គឺមានជាស្តង់ដារនៅលើទាំងពីរម៉ូដែល។
ផ្នែកខាងក្នុង RAM 1500 Series 2025 បានបំពាក់កមកមួយកៅអីស្បែកប្រភេទ leather upholstery និង premium leather សម្រាប់ម៉ូដែល RAM 1500 Limited។ កៅអីរបស់រថយន្តភិកអាប់ទាំងពីរម៉ូដែលនេះមានមុខងារ Eight-way power-adjustable heated, មុខងារខ្យលក្តៅត្រជាក់កៅអី និងមុខងាងម៉ាស្សាសម្រាប់កៅអីខាងមុខ។ ប្រព័ន្ធម៉ាស៊ីនត្រជាក់ពីរតំបន់ (Dual-zone climate control) និងដំបូលបើកពីរតង់ (Dual-panoramic sunroof)។
បន្ថែមពីនេះវាមានបំពាក់អេក្រង់បង្ហាញព័ត៌មានទំហំ 12.0-inch និងអេក្រង់កម្សាន្តទំហំ 14.4-inch អាចភ្ជាប់ជាមួយមុខងារ Apple CarPlay និង Android Auto។ ហើយនៅខាងមុខកៅអីអ្នករួមដំណើរមាននូវអេក្រង់ទំហំ 10.25-inch មួយទៀត, នៅកណ្តាលមានកន្លែកសាកភ្លើងទូរសព្ទឥតខ្សែ, មានរន្ធ USB ចំនួន 6 រួមនិងរន្ធ HDMI និងប្រព័ន្ធបំពងសំឡេង Harman Kardon audio system ចំនួន 9 គ្រាប់ថែមទៀតផង។
នៅលើម៉ូដែល RAM 1500 Limited 2025 មានបំពាក់នូវប្រព័ន្ធកាមេរ៉ា 360 ដឺក្រេ និងប្រព័ន្ធចាប់សញ្ញាចរាចរ Traffic Sign Recognition (TSR), ពោងសុវត្ថិភាព 6 គ្រាប់, ប្រព័ន្ធហ្វ្រាំង AEB ជាមួយមុខងារ pedestrian detection និងមុខងារវ៉ាស់សំពាធខ្យល់កង់ Tire Pressure Monitoring System (TPMS) ជាដើម។ RAM 1500 Series 2025 ទទួលបានពិន្ទុផ្កាយ 5 ពីស្ថាប័ន National Highway Traffic Safety Administration (NHTSA) របស់សហរដ្ឋអាមេរិក សម្រាប់ប្រព័ន្ធសុវត្ថិភាពក្នុងការប្រើប្រាស់ និងការបុកប៉ះ៕
