កាលពីថ្ងៃទី 2 ខែមេសានេះ រថយន្តអគ្គិសនី Mazda 6e ដែលបានប្តូរឈ្មោះមកជា Mazda EZ-6 ហើយនឹងមាននាំចេញទៅលើទីផ្សារសកល ដែលមានដូចជា អឺរ៉ុប និងអាស៊ឺអាគ្នេយ៌នោះ បានផ្តើមសង្វាក់ផលិតកម្មផ្លូវការនៅក្នុងប្រទេសចិនហើយគឺធ្វើឡើងនៅក្នុងរោងចក្រ Changan-Mazda Nanjing Plant ដែលមានមូលដ្ឋានស្ថិននៅក្នុងខេត្តណាជីង។ យោងតាមការបញ្ជាក់ផ្លូវការបានអោយដឹងថា ការដាក់នូវ “e” នេះ គឺដើម្បីបញ្ជាក់អោយច្បាស់ថា នេះគឺជារថយន្តអគ្គិសនី។
សូមជំរាបថា រថយន្តអគ្គិសនី Mazda EZ-6 ថ្មីនេះ បានបង្ហាញវត្តមានជាផ្លូវការនៅលើទីផ្សារប្រទេសចិន កាលពីខែតុលា ឆ្នាំ 2024 កន្លងទៅនេះ ដោយមានតម្លៃចន្លោះចាប់ពី 139,800 យ៉ន់ទៅ 179,800 យ៉ន់ដែលប្រហាក់ប្រហែល 19,200 ដុល្លារ ទៅ 24,700 ដុល្លារ ហើយនឹងមាន 7 ម៉ូដែល ព្រមទាំងប្រភេទ EV និង EREV។ សម្រាប់ម៉ូដែលនេះ គឺជារថយន្តអគ្គិសនីប្រភេទMid-Size Sedan។ Mazda EZ-6 មានទំហំ 4921/1890/1485mm និងមានគម្លាតកង់មុខក្រោយប្រវែង 2895mm។
Mazda EZ-6 ដំណើរការនៅលើប្រព័ន្ធ Changan EPA hybrid platform ដោយម៉ូដែល EV គឺមានម៉ូទ័រក្រោយមានសមត្ថភាពអាចដំណើរការបាន 190kW (255 សេះ) និងមានកម្លាំងរមួល 320Nm ហើយនឹងមានការប្រើប្រាស់អាគុយផ្ទុកថាមពលអគ្គីសនីទំហំ 56.1kWh ឬ 68.8kWh ដែលជាប្រភេទ Lithium iron phosphate battery packs។ រថយន្តអគ្គិសនីនេះ អាចរត់បានចម្ងាយ 480km និង 600km តាមរយៈស្តង់ដារ CLTC។ សម្រាប់ការសាកថ្មវិញ គឺអាចធ្វើបានពី 30% ទៅ 80% ប្រើប្រាស់ពេលត្រឹមតែ 15 នាទីប៉ុណ្ណោះ។
ក្រឡេកមកមើលម៉ូដែល EREV វិញ គឺមានម៉ូទ័រកម្លាំង 160 kW (215 សេះ) មានកម្លាំងរមួល 320Nm ហើយនិងមានការគាំទ្រដោយម៉ាស៊ីនសាំងចំនុះ 1.5L ផងដែរ។ ម៉ូដែលនេះប្រើប្រាស់អាគុយទំហំ 18.9 kWh ឬ 28.4 kWh ជាប្រភេទ lithium iron phosphate battery packs ដែលរត់នៅលើដងផ្លូវតាមរយៈអគ្គិសនីសុទ្ធ បានចម្ងាយ 130 km និង 200 km ជាមួយនិងស្តង់ដារ CLTC។ ជាមួយនិងការបូកចូលគ្នានេះ រថយន្តនេះអាចរត់បាន 1,301 km។ ចំពោះការសាកបញ្ចូលភ្លើងពី 30% ទៅ 80% គឺប្រើប្រាស់ពេល 20 នាទី។
Mazda 6e ត្រូវបានឌីស្សាញឡើងដោយផ្អែកលើគំនិត Kodo Soul របស់ Mazda ដែលមានការផ្តោតលើ Motion concept ហើយនឹងបង្ហាញវត្តមានៅលើទីផ្សារអឺរ៉ុបជាមួយនិងជម្រើស 2 គឺ
Long Range: 180 kW (241 សេះ) កម្លាំងរមួល 320Nm ថាមពលអាគុយ 80kWh និងអាចរត់បាន 552 km។
Standard: 190 kW (255 សេះ) កម្លាំងរមួល 320Nm ថាមពលអាគុយ 68.8 kWh និងអាចរត់បាន 479 km។
តាមការបញ្ជាក់ចរបស់លោក Katsuhiro Moro ដែលជាអគ្គនាយកគ្រប់គ្រប Mazda Motor Corporation បានអោយដឹងថា ក្រុមហ៊ុន Mazda-Changan នឹងមានការប្រកាសចេញនូវរថយន្ត SUV ថ្មី នៅក្នុងឆ្នាំ 2025 នេះថែមទៀតហើយ។
