ថ្មីៗនេះ នៅក្នុងព្រឹត្តិការណ៌ពិពណ៌រថយន្តលើកទី 46th Bangkok International Motor Show 2025 (BIMS 2025) នៅប្រទេសថៃ ក្រុមហ៊ុន MG បានដាក់បង្ហាញនូវម៉ូដែលថ្មី MG S5 ដែលប្រភេទឡានអគ្គិសនីរបស់ខ្លួន ចំនូន 3 ជម្រើសផ្សេង្នាសម្រាប់អតិថិជន។ សម្រាប់តម្លៃឡាន MG S5 EV នេះ គឺមានចាប់ពី THB719,900 បាត ទៅលើម៉ូដែលស្តង់ដារ និង THB779,900 បាតទៅលើ Standard Range X និង THB899,900 បាតទៅលើម៉ូដែល Long Range V។
MG S5 EV ថ្មីនេះ ត្រូវបានគេចាត់ទុកថា ជាម៉ូដែលថ្មីមួយស្ថិតនៅក្នុងប្រភេទ B-segment compact crossover EV SUV ដែមានដូចជា Zeekr X, Nissan Kicks ឬក៏ GAC GS3 Emzoom ជាដើម។ ឡាននេះមានទំហំតួខ្លួន 4,476*1,849*1,621mm។ សម្រាប់វត្តមានរបស់ឡានអគ្គិសនីទាំងបី 3 ប្រភេទរបស់ MG S5 EV ដែលមានវត្តមាននៅលើទីផ្សារប្រទេសថៃនេះ គឺមានការបំពាក់នូវម៉ូទ័រអគ្គិសនីមួយនៅលើកង់ក្រោយទៅលើម៉ូដែល rear-wheel drive (RWD។
ចំពោះម៉ូដែល Standard Range D និង X គឺមានម៉ូទ័រអាចបង្កើតកម្លាំងបាន 170 សេះ និងកម្លាំង 250Nm សម្រាបកង់ក្រោយ ហើយនឹងអាចបង្កើតល្បឿនចាប់ពី 0 ទៅ-100km/h ប្រើប្រាស់ពេលត្រឹមតែ 8 វីនាទីប៉ុណ្ណោះ។ ឡាន Standard Range នេះ គឺមានអាគុយផ្ទុកអគ្គិសនីទំហំ 50kWh lithium iron phosphate (LFP) អាចរត់បានចម្ងាយ 416km តាមស្តង់ដារ (NEDC) ដោយប្រើអគ្គិសនីសុទ្ធ។
ក្រឡេកមកមើល Long Range V វិញ គឺមានសមត្ថភាពខ្ពស់ជាង ដោយម៉ូដែលនេះ មានកម្លាំង 245 សេះ និងមានកម្លាំងរមួល 350Nm។ ឡាននេះប្រើអាគុយផ្ទុកថាមពលអគ្គិសនីទំហំ 64kWh អាចរត់បានចម្ងាយ 550km តាមស្តង់ដារ (NEDC) ដោយប្រើអគ្គិសនីសុទ្ធដូចគ្នា។ MG S5 EV ប្រើយ៉ាន់អាលុយមីនីញ៉ូមទំហំ 18-អ៊ីង មាន LED headlight និង taillights នៅផ្នែកខាងមុខ និងខាងក្រោយ ហើយនឹងមានបន្ថែមនូវកាង spoiler ផងដែរ។ MG S5 EV មាន 4 ពណ៌គឺ Champagne Titanium, Arctic White, Black Knight និង Andes Grey។
