កាលពីអំឡុងខែកក្តដាក្រុមហ៊ុន Toyota បានបញ្ជាក់ថា រថយន្តស្ព័រម៉ូដែល GR86 ដែលមានទម្ងន់ស្រាល និងតម្លៃសមរម្យ នឹងមានជម្រើសម៉ូដែលពិសេស Hakone Edition សម្រាប់ម៉ូដែលឆ្នាំ 2025។ ក្រុមហ៊ុនផលិតរថយន្តជប៉ុនបាននឹងកំពុងនាំយកម៉ូដែល Hakone Edition ត្រឡប់មកវិញជាមួយនឹងរថយន្ត Toyota GR86 បន្ទាប់ពីដំណើរការមានកំណត់ក្នុងឆ្នាំ 2020 ដែលបំពាក់បន្ថេមនៅ Sac dampers, Brembo brakes, ជាមួយពណ៌ខាងក្រៅយដ៏ស្រស់ស្អាតហៅថាដែលហៅថា Ridge Green ជាមួយយ៉ាន់កង់ទំហំ 18-inch។
យោងតាមទិន្នន័យតម្លៃចុងក្រោចយចេញពីក្រុមហ៊ុន Toyota បានឲ្យដឹងថា Toyota GR86 Hakone Edition ស៊េរីឆ្នាំ 2025 នឹងមានតម្លៃ $36,405។ សម្រាប់តម្លៃនេះ គឺសម្រាប់ Toyota GR86 Hakone Edition ជម្រើសប្រើប្រអប់លេខដៃ 6 វគ្គ។ ប៉ុន្តែ Toyota បានផ្តល់ជូនអតិថិជនដែលចង់បានម៉ូដែលកំណែពិសេសដែលប្រើប្រអប់លេខស្វ័យប្រវត្តិ 6 វគ្គ ដែលមានតម្លៃខ្ទង់ $37,505 ដែលមានតម្លៃថ្ងៃជាងលេខ 1,100 ដុល្លារ។ តម្លៃទាំងនេះធ្វើឱ្យ GR86 Hakone Edition មានតម្លៃថ្លៃជាង Trueno Edition ឆ្នាំមុនបន្តិច ។ Trueno Edition មានតម្លៃ $36,240, ធូរថ្លៃជាងតម្លៃ GR86 Hakone Edition ឆ្នាំ 2025 ប្រមាណ $165។
ទិន្នន័យតម្លៃចុងក្រោយបំផុតរបស់ក្រុមហ៊ុនផលិតរថយន្តក៏បង្ហាញផងដែរថា Toyota បានបង្កើនតម្លៃសម្រាប់រថយន្តស័្ពរម៉ូដែល GR86 ផ្សេងទៀតផងដែរ។ GR86 ម៉ូដែលស្តង់ដារ ទទួលបានការដំឡើងតម្លៃប្រមាណ $650 ដែលធ្វើឲ្យតម្លៃកើនដល់ $31,085 ខណៈដែលម៉ូដែល GR86 Premium បច្ចុប្បន្ននេះមានតម្លៃខ្ទង់ $33,685 កើនឡើងតម្លៃប្រមាណ $690។ 2025 Toyota GR86 Hakone Edition ត្រូវបានកំណត់សម្រាប់ការផលិតតែចំនួនត្រឹមតែ 860គ្រឿងប៉ុណ្ណោះហើយសម្រាប់សហរដ្ឋអាមេរិកត្រូវបានរំពឹងថានឹងមានចេញដាក់លក់ផ្លូវកការណ៍ឆាប់ៗនេះ។
សម្រាប់តម្លៃខ្ទង់ចាប់ពី $36,240 ឡើងសម្រាប់ 2025 Toyota GR86 Hakone Edition គឺធ្វើឲ្យអ្នកប្រើប្រាស់មួយចំនួនអាចនឹងសំឡឹងមើលរថយន្តបែបស្ព័រដែលមានតម្លៃធូរថ្លៃជាងដូចជាម៉ូដែល Ford Mustang ដែលមានតម្លៃចាប់ពីខ្ទង់ $32,515 ខណៈម៉ូដែល Mazda MX-5 Miata មានតម្លៃចាប់ពីខ្ទង់ $30,170។
ទោះជាយ៉ាងណាសម្រាប់តម្លៃ Toyota GR86 Hakone Edition គឺមានតម្លៃរាងថ្ងៃជាងតែរថយន្តស័្ពរដូចគ្នាតែពីរម៉ូដែលខាងលើតែប៉ុណ្ណោះ ខណៈម៉ូដែល Nissan Z មានតម្លៃថ្លៃជាងដល់ជិត $8,000 ដែលមានតម្លៃខ្ទង់ $44,110 និងម៉ូដែល BMW 2-Series មានតម្លៃខ្ទង់ $40,375 ថ្ងៃជាង GR86 Hakone Edition ប្រមាណ $3,970 ឯណោះ៕
