កាលពីថ្ងៃទី 07 ខែកុម្ភះ ឆ្នាំ 2018 នៅភោជនីយដ្ឋាន The Ming Palace ក្រុមហ៊ុន EPSON ប្រទេសថៃ រួមសហការជាមួយក្រុមហ៊ុន Chhay Hok Computer បានរៀបចំនូឡើងនូវកម្មវិធីជួបជុំដៃគូរចែកចាយផលិតផល EPSON និងបង្ហាញវត្តមានម៉ូដែលថ្មីសំរាប់ទីផ្សារកម្ពុជា ក្រោមវត្តមានថ្នាក់ដឹកនាំក្រុមហ៊ុនទាំងពីររួមជាមួយដៃគូរអាជីវកម្មជាង 70 នាក់។
តាមប្រសាសន៏របស់លោក លួន ហុក ដែលជាអគ្គនាយកគ្រប់គ្រងរបស់ក្រុមហ៊ុន Chhay Hok Computer បានបញ្ជាក់ថា ក្រុមហ៊ុនរបស់លោក គឹជាដៃគូតំណាងចែកចាយផលិតផល EPSON ស្របច្បាប់ប្រចាំប្រទេសកម្ពុជា អស់រយៈពេលជាច្រើនឆ្នាំណាស់មកហើយ ក្រុមហ៊ុនយើងទាំងពីរ បានសហការយ៉ាងរឹងមាំជាមូយក្រុមហ៊ុន EPOSN (Thailand) ដើម្បីនាំមកនូវផលិតផល EPSON ដែលមានបំពាក់នូវបច្ចេកវិទ្យាថ្មីៗមកកាន់ព្រះរាជាណាចក្រកម្ពុជា។
នៅក្នងកម្មវិធីនោះ ក្រុមហ៊ុន EPSON បានដាក់តាំងបង្ហាញម៉ាស៊ីនព្រីន L-series ស៊េរីថ្មី និងទំនើបៗជាច្រើនម៉ូដែល រួមមានដូចជា L405 ជាប្រភេទម៉ាស៊ីនព្រីន ដែលមានសមត្ថភាពអាចព្រីនបានយ៉ាងល្អឥតខ្ចោះនូវប្រភេទនៃពណ៍ទាំងបួន ហើយអាចបញ្ចាដោយប្រើ Wi-Fi បាន ជាមួយនឹងមុខងារច្រើនយ៉ាង រួមមានដូចជា ម៉ាស៊ីន L4150, L4160, L6160, L6170 និង L6190 ដែលមានប្រសិទ្ធភាពខ្ពស់ក្នុងការសន្សំសំចៃការប្រើប្រាស់ទឹកថ្នាំពណ៍ខ្មៅបានយ៉ាងល្អប្រសើរ។
ការបង្ហាញ L6160, L6170 និង L6190 ក្នុងគោលបំណង បង្ហាញអំពី បច្ចេកវិទ្យា Print Head បំពាក់ទៅដោយប្រពន្ធ័ Precision Core ដែលអាចព្រីនក្រដាសខ្នាតធំក្នុងល្បឿនលឿន និងចំណាចតិច។ លើសពីនេះ ទៅទៀត ម៉ាស៊ីនព្រីនទាំងនេះមានមុខងារព្រីនឯកសារបានទាំងសងខាងដោយស្វ័យប្រវត្តិ និង ឥតកំណត់សម្រាប់ទំហំក្រដាស A4។ ម៉ាស៊ីនព្រីនម៉ូដែលថ្មី ទាំងអស់នេះគឺជា ឧបករណ៏ដ៏ល្អឥតខ្ចោះសម្រាប់សំរួលការងាររបស់ សហគ្រាស និង ក្រុមហ៊ុនធុរកិច្ចទាំងទ្បាយ។
ជាមួយគ្នានេះ ក្រុមហ៊ុនក៏បានដាក់បង្ហាញនូវ LCD ជាម៉ូដែលផងដែរ ដោយមានពន្លឺចាប់ពី 3200 lum រហូតដល់តិចជាង 4000 lum។ ផលិតផលទាំងនេះ គឺមានសមត្ថភាពខ្ពស់នៅក្នុងការប្រើប្រាស់ក្នុងបន្ទប់ប្រជុំខ្នាតតួច នៅតាមសហគ្រាសគ្រប់ប្រភេទ ស្ថាប័នអប់រំ និង កន្លែងកំសាន្តនានា ហើយអំពូលរបស់ LCD Projector ម៉ូដែលថ្មីនេះ គឺមានពន្លឺកាន់តែភ្លឺច្បាស់ល្អ សំរាប់ការប្រើប្រាស់បានយូរតាមរយៈមុខងារ Normal Mode និង Eco Mode រហូតដល់ 6000 ម៉ោង ទៅ 10000ម៉ោង។ ម៉ាស៊ីន LCD Projector ថ្មីទាំងនេះ គឺមានបំពាក់នូវបច្ចេកវិទ្យា Direct Power-On និង Auto Power-On។ អ្វីដែលពិសេស គឺមានប៊ូតុង Home Screen ដែលអាចអោយអ្នកប្រើប្រាស់ កំណត់នូវមុខងារនៅលើអេក្រង់បានយ៉ាងងាយស្រួល។
