Samsung Galaxy J6 គឺជាស្មាតហ្វូនស៊េរីថ្មីដ៏ស្រស់ស្អាតដែលក្រុមហ៊ុនបច្ចេកវិទ្យាយក្ស Samsung ទើបតែប្រកាសបង្ហាញនោះ។ ស្មាតហ្វូននេះមានរូបរាងស្រស់ស្អាតជាមួយនឹងស៊ុមព័ទ្ធអេក្រង់គែមស្តើង និយាយទៅ កាន់ពេញដៃ និងមានរូបរាងស្មាត កម្រ៉ាស់ស្តើង មិនចាញ់រាមច្បង Galaxy S9 នោះទេ។ ស្មាតហ្វូននេះប្រើប្រាស់នូវអេក្រង់ប្រភេទ Infinity Super AMOLED Display ដែលផ្តល់នូវបទពិសោធន៍ល្អបំផុតក្នុងការទស្សនា។ ជាមួយនឹងការប្រើប្រាស់នូវបច្ចេកវិទ្យា Super AMOLED Technology របស់ក្រុមហ៊ុនបច្ចេកវិទ្យា Samsung វាមានការផ្តល់នូវកម្រិតពណ៌ភ្លឺច្បាស់ត្រជាក់ភ្នែក និងកម្រិត Contrast ស្រស់ស្អាតមិនធម្មតានោះទេ។ ស្មាតហ្វូននេះមានអេក្រង់ប្រភេទ 18.5:9 Display Ratio ដែលងាយស្រួលក្នុងការទស្សនាបំផុត។
ការរចនាអេក្រង់ Infinity ជាមួយគែមស្តើង៖ ស្មាតហ្វូនស៊េរីថ្មី Galaxy J6 គឺភ្ជាប់ជាមួយនឹងអេក្រង់ដែលមានគែមស្តើង។ តួខ្លួនរបស់ស្មាតហ្វូននេះគឺមានអេក្រង់កោងនៅគែមរបស់វា ហើយប្រព័ន្ធស្កេនក្រយ៉ៅដៃរបស់វាស្ថិតនៅផ្នែកខាងក្រោយដែលផ្តល់នូវភាពងាយស្រួលក្នុងការប្រើប្រាស់ និងការកម្សាន្តជាច្រើនដូចជាការទស្សនាវីដេអូ និងការលេងហ្គេមជាដើម។ ស្មាតហ្វូននេះពិតជាល្អមែនទែនក្នុងការប្រើប្រាស់នោះ។
បទពិសោធន៍នៃការប្រើប្រាស់គ្មានព្រំដែនជាមួយ Samsung Mall៖ លោកអ្នកអាចធ្វើការទិញទំនិញជាច្រើនជាមួយនឹងមុខងារថ្មី Samsung Mall ។ អ្វីដែលអ្នកត្រូវធ្វើគឺគ្រាន់តែត្រៀមខ្លួនរួចរាល់ក្នុងការប្រើប្រាស់មុខងារនេះប៉ុណ្ណោះ។ ស្មាតហ្វូននេះប្រើប្រាស់នូវមុខងារ AI Virtual Search ដែលបង្ហាញអំពីជំរើសជាច្រើនគ្មានដែនកំណត់នៅលើ Online Platforms មួយនេះនោះ។ ដូចនេះ អ្វីដែលអ្នកអាចធ្វើគឺគ្រាន់តែថតជាមួយស្មាតហ្វូននេះ និងទិញទំនិញតែម្តង។
ការកម្សាន្តកាន់តែអស្ចារ្យជាមួយនឹងមុខងារ Chat-Over-Video៖ សម្រាប់ការកម្សាន្តគឺគ្មានព្រំដែននោះទេ។ ជាមួយនឹងមុខងារថ្មី Chat-Over-Video អនុញ្ញាតឱ្យអ្នកប្រើប្រាស់នូវកម្មវិធីផ្ញើសារ Messaging Apps ដោយគ្មានការរំខាននោះទេ អ្នកនៅតែអាចធ្វើការទស្សនាដោយគ្មានការរអាក់រអួលនោះទេ។ វាក៏មានការប្រើប្រាស់នូវ Transparent Keyboard ដែលធានាថា ការទស្សនាវីដេអូរបស់អ្នកមិនមានការរំខាន ហើយអ្នកនៅតែរីករាយជាមួយនឹងបទពិសោធន៍ថ្មីនេះជាធម្មតា។
ប្រព័ន្ធកាមេរ៉ាដ៏ល្អឥតខ្ចោះ៖ ស្មាតហ្វូននេះពិតជាអស្ចារ្យសម្រាប់ការថតរូបមិនធម្មតានោះទេ។ ស្មាតហ្វូននេះមានកាមេរ៉ាខាងមុខ និងខាងក្រោយ 13 MP ភ្ជាប់ជាមួយនឹងមុខងារ f1.9 Aperture ដែលលោកអ្នកនឹងទទួលបាននូវរូបភាពកម្រិតពណ៌ធម្មជាតិពិតៗ ច្បាស់បំផុតមិនថាយប់ ឬពេលថ្ងៃនោះទេ។
ការប្រើប្រាស់បច្ចេកវិទ្យា Face Recognition សម្រាប់ធ្វើការដោះសោរ៖ លោកអ្នកអាចធ្វើការដោះសោរស្មាតហ្វូនរបស់អ្នកកាន់តែលឿនបំផុត និងអស្ចារ្យបំផុតជាមួយនឹងមុខងារស្កេនមុខ Face Recognition នោះ។ កាមេរ៉ាខាងមុខរបស់ស្មាតហ្វូននេះគឺពិតជាអស្ចារ្យ ហើយវាធានាថាទិន្នន័យរបស់អ្នកគឺមានលក្ខណៈជាឯកជននោះ។ សរុបមក កាមេរ៉ានេះមិនមែនសម្រាប់ការថតរូបភាព Selfies នោះទេ។
កម្លាំងម៉ាស៊ីនខ្លាំងមិនធម្មតា៖ ស្មាតហ្វូនស៊េរីថ្មីនេះអាចកំណត់ទៅលើល្បឿនដំណើរការមិនធម្មតានោះទេ។ ស្មាតហ្វូននេះដំណើរការនូវប្រព័ន្ធប្រតិបត្តិការចុងក្រោយបំផុត Android O ជាមួយនឹងបន្ទះឈីប Processor ជំនាន់ចុងក្រោយដែលមានល្បឿន 1.6GHz រ៉េមផ្ទុកទិន្នន័យបណ្តោះអាសន្នទំហំ 4GB និងម៉េមូរីក្នុងម៉ាស៊ីនទំហំ 64GB និងថាមពលថ្ម 3000mAh ដែលអាចប្រើប្រាស់នូវមុខងារ Multitask កាន់តែលឿនតាមតម្រូវការតែម្តង។
