Honor X7a គឺជាស្មាតហ្វូនថ្នាក់កណ្តាលជំនាន់ថ្មីមួយ ដែលកំពុងតែមានការចាប់អារម្មណ៍ខ្លាំងបំផុត។ Honor X7a ត្រូវបានក្រុមហ៊ុនបំពាក់មកជាមួយនូវអេក្រង់ទំហំធំដល់ទៅ 6.7-អ៊ីងដែលជាប្រភេទកញ្ចក់ HONOR FullView Display បង្ហាញចេញកម្រិត HD+ ហើយនិងមានការឌីស្សាញរន្ធ waterdrop notch មួយគ្រាប់នៅលើអេក្រង់។ និយាយពីសមត្ថភាពអេក្រង់នេះ គឺអាចរត់បានល្បឿន 90Hz refresh rate ហើយនិងមានការទទួលស្គាល់ពីស្ថាប័ន TUV Rheinland របស់អាល្លឺម៉ង់ទៅលើមុខងារការពារភ្នែកថែមទៀតផង។
និយាយពីការថតរូបវិញ ស្មាតហ្វូន Honor X7a គឺមានការបំពាក់មកជាមួយនូវកាមេរ៉ាក្រោយដល់ទៅ 4 គ្រាប់ ដោយកាមេរ៉ាគោលមានទំហំ 50MP main sensor និងគ្រាប់ទីពីរមានទំហំ 8MP ultra-wide lens ខណៈដែលទីបីមានទំហំ 2MP macro unit និងទីបួនមានទំហំ 2MP depth snapper។ ចំពោះការថតសែលហ្វីវិញ គឺមានទំហំ 5MP។ Honor X7a ដំណើរការនៅលើបន្ទះឈីប MediaTek MT6765H និងមានក្រាហ្វិកាត Helio G37 ព្រមទាំងមានរ៉េមទំហំ 6GB និងអង្គចងចាំទំហំ 128GB ហើយក៏មានរន្ធបន្ថែមកាតមេម៉ូរីក្រៅបានផងដែរ។
ចំណុចដែលគេមើលឃើញថាមានការចាប់អារម្មណ៌ទៅលើស្មាតហ្វូននេះនោះ គឺការប្រើប្រាស់ថាមពលថ្ម។ Honor X7a មានថ្មទំហំធំដល់ទៅ 6,000mAh ឬអាចហៅថាស្តេចថ្មក៏បាន។ បើតាមការបញ្ជាក់ពីក្រុមហ៊ុននេះ គឺបាននិយាយថា ទំហំថ្មនេះ គឺអាចកំដរការប្រើប្រាស់បានដល់ទៅ 3 ថ្ងៃឯណោះ។ ដូច្នេះសម្រាប់អ្នកដែលមានការរវល់ ចូលចិត្តការកម្សាន្ត ក៏ដូចជាប្រើប្រាស់ស្មាតហ្វូនច្រើនម៉ោងនោះ អាចពិចារណាជាមួយស្មាតហ្វូននេះ គឺពិតជាមិនខកបំណងឡើយ។ ថ្មដែលប្រើលើស្មាតហ្វូន Honor X7a នេះ ក៏មានការគាំទ្រដោយបច្ចេវិទ្យាសាកថ្មលឿនកម្លាំង 22.5W SuperCharge ផងដែរ។
Honor X7a នឹងមានការដាក់សម្ពោធជាផ្លូវការណ៌នៅលើទីផ្សារប្រទេសកម្ពុជា នៅថ្ងៃទី 3 ខែកុម្ភៈខានស្អែកនេះ ហើយ ជាមួយនិងការរៀបចំព្រឹត្តិការណ៌ដង្ហែរក្បួននៅទូទាំងប្រទេសរួមគ្នានៅក្នុងពេលតែមួយតែម្តង ដោយការដង្ហែរក្បួនស្មាតហ្វូននេះ គឺនឹងធ្វើឡើងនៅទីក្រុងភ្នំពេញ បាត់ដំបង សៀមរាប និងខេត្តព្រះសីហនុ។ នៅក្នុងពេលនៃការ សម្ពោធស្មាតហ្វូន Honor X7a នេះ ក្រុមហ៊ុន Honor ក៏មានការប្រកាសដាក់អោយ Pre-Order ទៅលើស្មាតហ្វូន Honor X9a នៅថ្ងៃតែមួយនេះផងដែរ។
