ថ្មីៗនេះ ក្រុមហ៊ុន ASUS Republic of Gamers (ROG) មានមោទនភាពក្នុងការប្រកាសបង្ហាញនូវកុំព្យូទ័រលេងហ្គេមស៊េរីថ្មី ROG Strix SCAR របស់ខ្លួនដ៏អស្ចារ្យ។ ជាមួយនឹងការឌីស្សាញរូបរាងថ្មីដ៏ស្រស់ស្អាតនៅលើកុំព្យូទ័រ Strix SCAR 18 នេះ។ នៅពេលដែលមានការប្រើប្រាស់ជាមួយនឹង Nebula របស់ក្រុមហ៊ុន ROG និងអេក្រង់ Nebula HDR រួមជាមួយនឹងដំណោះស្រាយ Intelligent Cooling thermal ថ្មីនោះ វាបានធ្វើអោយកុំព្យូទ័រនេះមានភាពខ្លាំងក្លាបំផុតសម្រាប់ការលេងហ្គេមធំៗ និងហ្គេមប្រភេទ esports ។
បន្ទះឈីប CPUs និង GPUs ដ៏ខ្លាំងក្លា
ក្នុងនាមជាកុំព្យូទ័រដែលមានកម្លាំងខ្លាំងក្លាបំផុតរបស់ក្រុមហ៊ុន ROG នេះ កុំព្យូទ័រ Strix SCAR 18 នេះបំពាក់នូវបន្ទះឈីប Intel® Core™ i9-13980HX processor ជាមួយនឹង 24 coresនិង 32 threads ជាមួយនឹងក្រាហ្វិកកាត NVIDIA® GeForce RTX™ 4090 Laptop GPU ដែលមានកម្លាំងដល់ទៅ 175 watts ដែលធ្វើអោយថាមពលសរុបនៃប្រព័ន្ធរបស់វាគឺដល់ទៅ 240 W (ជាមួយនឹង Dynamic Boost និង Manual performance modes)។
សម្រាប់ MUX Switch ជាមួយនឹង NVIDIA Advanced Optimus អាចធានាទៅលើថាមពលថ្មកាន់តែប្រសើរឡើងជាងមុនថែមទៀត។ កុំព្យូទ័រ Strix G18 នេះប្រើប្រាស់នូវបន្ទះឈីប Intel® Core™ i9-13980HX CPU និងក្រាហ្វិកកាត NVIDIA® GeForce RTX™ 4080 Laptop GPU ជាមួយនឹងកម្លាំង 175 W ដែលប្រើប្រាស់នូវ Dynamic Boost និង MUX Switch ជាមួយនឹង Advanced Optimus ថែមទៀត។
ប្រព័ន្ធត្រជាក់ Cooling ដ៏ឆ្លាតវៃ
សម្រាប់កុំព្យូទ័រ 18-inch Strix ដែលមានការឌីស្សាញថ្មីនេះបំពាក់នូវប្រព័ន្ធ Intelligent Cooling suiteដែលមានបច្ចេកវិទ្យា Tri-Fan Technology របស់ក្រុមហ៊ុន ROG ជាលើកដំបូងបំផុតដែលប្រកាសបង្ហាញនៅលើកុំព្យូទ័រ 2022 Flow X16 ។ បន្ថែមពីនេះទៀតនោះ យើងក៏ទទួលបាននូវប្រព័ន្ធបំភាយកំដៅ full-width heatsink ចេញពីកុំព្យូទ័រ Flow X16 ហើយវាក៏ត្រូវបានប្រើប្រាស់នៅលើកុំព្យូទ័រ 2023 Strix SCAR 18 ថែមទៀត។
ការប្រើប្រាស់នូវ heatsink ធំជាងមុននេះអាចបង្កើនទៅលើផ្ទៃបំភាយកំដៅបានល្អជាងមុនដល់ទៅ 92.23% បើធៀបជាមួយនឹងម៉ូឌែលឆ្នាំ 2022 នេះ។ ជាមួយនឹងការបញ្ចូលគ្នានៃ Conductonaut Extreme liquid ទៅលើ GPU និង CPU ជាមួយនឹង 7 heat pipes នេះ ដំណោះស្រាយថ្មីរបស់ក្រុមហ៊ុន ROG នេះអនុញ្ញាតអោយមានកម្លាំង GPUs និង CPUs កាន់តែខ្ពស់ខ្លាំងក្លាជាងមុនថែមទៀត។
អេក្រង់ភ្លឺច្បាស់ទាក់ភ្នែក
សម្រាប់កុំព្យូទ័រ 18-inch Strix នៅក្នុងឆ្នាំ 2023 នេះមិនត្រឹមតែមានអេក្រង់ធំជាងមុននោះទេ វាក៏មានអេក្រង់ដល់ទៅ 16:10 ផងដែរ។ នេះគឺជាកុំព្យូទ័រដែលមានអេក្រង់ Nebula ដែលធានាទៅលើរូបភាពច្បាស់ និងម៉ត់ស្រស់ស្អាតជាមួយនឹងបទពិសោធន៍យ៉ាងអស្ចារ្យគ្មានគូប្រៀប។ អេក្រង់ Nebula នេះមានកម្រិត refresh rates ខ្ពស់ជាមួយនឹង response time 3ms ពន្លឺអេក្រង់ 500 nits និង 100% DCI-P3 color space ។ កុំព្យូទ័រ 2023 ROG Strix នេះក៏មានអេក្រង់ដល់ទៅ QHD 240 Hz ផងដែរ។
ការឌីស្សាញ និងបង្កើតឡើងដើម្បីទទួលបាននូវជ័យជំនះ
កុំព្យូទ័រ ROG Strix នេះគឺបង្កើតឡើងសម្រាប់អ្នកលេងហ្គេមដែលចង់បាននូវសមត្ថភាពខ្លាំងក្លាបំផុត ហើយវាក៏មានការឌីស្សាញដ៏អស្ចារ្យដែលមិនធ្លាប់មានពីមុននោះទេ។ កុំព្យូទ័រនេះមានសំឡេងស្ងាត់ទៅលើម៉ាស៊ីន និងកង្ហាររបស់វា។ បន្ថែមពីនេះទៀត កុំព្យូទ័រនេះក៏មានបំពាក់នូវ RGB lighting និង full-width light bar ដែលមានស្ថិតនៅផ្នែកខាងក្រោយនៃកុំព្យូទ័រ Strix SCAR 18 នេះ។ កុំព្យូទ័រនេះក៏មានប្រើប្រាស់នូវ Glass Touchpad និងមានប្រើប្រាស់នូវថ្នាំកូតការពារស្នាមប្រឡាក់ក្រយ៉ៅដៃថែមទៀត។
កាលបរិច្ឆេទនៃការលក់ និងតម្លៃ
សម្រាប់ព័ត៌មានបន្ថែម សូមទំនាក់ទំនងអ្នកតំណាងរបស់ក្រុមហ៊ុន ASUS ដែលនៅជិតលោកអ្នកបំផុត៕
