ក្រុមហ៊ុន ASUS ទើបតែប្រកាសបង្ហាញនូវកុំព្យូទ័រ Vivobook S series ដ៏អស្ចារ្យដែលមានកម្រាស់ស្តើង និងទម្ងន់ស្រាលក្នុងការប្រើប្រាស់នោះគឺ 15.6-inch Vivobook S 15 OLED (M3502) ។ កុំព្យូទ័រនេះមានការឌីស្សាញរូបរាងយ៉ាងទាន់សម័យ ហើយវាមានពណ៌ថ្មីយ៉ាងទាក់ទាញថែមទៀត។ កុំព្យូទ័រនេះ បំពាក់នូវបន្ទះឈីប AMD Ryzen™ 5 5600-Series Mobile Processors, AMD Radeon™ graphics 8GB RAM និងម៉េមូរី ultrafast 512 GB® SSD ថែមទៀតផង។
កុំព្យូទ័រ Vivobook S series ថ្មីនេះមានរូបរាងស្តើង និងស្រាលក្នុងការប្រើប្រាស់ ហើយវាក៏បំពាក់នូវប្រព័ន្ធ 45-watt thermal design power (TDP) ថែមទៀត។ កាន់តែពិសេសនោះ កុំព្យូទ័រនេះក៏មានប្រព័ន្ធត្រជាក់ ASUS IceCool thermal ផ្តាច់មុខដែលមានប្រសិទ្ធិភាពខ្ពស់ក្នុងការបំភាយកំដៅបានយ៉ាងល្អ។ កុំព្យូទ័រ Vivobook S series នេះប្រើប្រាស់នូវអេក្រង់ OLED NanoEdge displays ជាមួយនឹងកម្រិតភាពច្បាស់ 4K និង response times 0.2 ms និងអេក្រង់ទំហំ 15.6-inch 2.8K 120 Hz OLED panels។
អេក្រង់នេះមានកម្រិត cinema-grade 100% DCI-P3 color gamut និងកម្រិតពណ៌ PANTONE® Validated ។ វាក៏ទទួលបាននូវវិញ្ញាបនបត្រ SGS និង TÜV Rheinland សម្រាប់កាត់បន្ថយពន្លឺពណ៌ខៀវដែលធានាអោយអ្នកប្រើប្រាស់អាចមើលបានយូរដោយគ្មានបញ្ហានោះទេ។ ការឌីស្សាញយ៉ាងទាន់សម័យគឺជាគន្លឹះដ៏សំខាន់សម្រាប់កុំព្យូទ័រ Vivobook S series ជាមួយនឹង lay-flat 180° hinges។
សម្រាប់ការតភ្ជាប់នោះ វាក៏មាន I/O ports ជាច្រើនដូចជា 2x USB 3.2 Gen 2 USB-C® ports, USB 3.2 Gen 1 Type-A, HDMI® 2.0 និង audio combo jack ។ បន្ថែមពីនេះ វាក៏មានប្រព័ន្ធសំឡេង Harman Kardon-certified audio system ជាមួយនឹងបច្ចេកវិទ្យា ASUS AI Noise-Canceling Technology សម្រាប់ការទំនាក់ទំនងគ្រីស្តាល់ច្បាស់។ បន្ថែមពីនេះ វាក៏មាន physical webcam shield និងបច្ចេកវិទ្យា ASUS 3DNR technology ធ្វើអោយការទំនាក់ទំនងកាន់តែមានសុវត្ថិភាពជាងមុន និងច្បាស់ជាងមុន។
កម្លាំងម៉ាស៊ីនខ្លាំងក្លា និងងាយស្រួលក្នុងការចល័ត
Vivobook S series គឺជាកុំព្យូទ័រដែលមានកម្រាស់ស្តើងបំផុត និងស្រាលបំផុតក្នុងត្រកូលនៃកុំព្យូទ័រ Vivobook ។ កុំព្យូទ័រនេះមានកម្រាស់ 18.9 mm និងទម្ងន់ 1.5 kg ហើយវាក៏មានបច្ចេកវិទ្យា 45 W TDP CPU ថែមទៀត។ កុំព្យូទ័រ Vivobook S 15 នេះមានច្រើនពណ៌គឺ Indie Black, Neutral Grey និង Solar Silver ។ បន្ថែមពីនេះ វាក៏មាន 180° lay-flat hinge ដែលងាយស្រួលក្នុងការប្រើប្រាស់បំផុត។
សមត្ថភាពដ៏ខ្លាំងក្លា
កុំព្យូទ័រ Vivobook S series នេះមានការឌីស្សាញជាមួយនឹងសមត្ថភាពដ៏ខ្លាំងក្លាជាមួយនឹងរូបរាងស្តើង និងស្រាលក្នុងការប្រើប្រាស់ដែលធ្វើអោយកុំព្យូទ័រនេះងាយស្រួលក្នុងការកាន់ប្រើប្រាស់ទៅលើការងារជាច្រើនដូចជា streaming, browsing, editing, video calling។ បន្ថែមពីនេះ វាក៏ប្រើប្រាស់នូវប្រព័ន្ធ ASUS IceCool thermal technology —បន្ទះឈីបខ្លាំងក្លា AMD Ryzen 5 5600-Series CPU ដែលអាចដំណើរការនៅក្នុងកម្រិត 45 W TDP ថែមទៀត។ បន្ថែមពីនេះ វាក៏មាន AMD Radeon graphics, 8 GB DDR4 RAM និង 512 M.2 NVMe™ PCIe® 3.0 SSD ។
កុំព្យូទ័រនេះប្រើប្រាស់នូវបច្ចេកវិទ្យា WiFi 6 និងបច្ចេកវិទ្យា ASUS WiFi Master technology រួមជាមួយនឹង ASUS WiFi SmartConnect ផងដែរ។ ASUS WiFi SmartConnect នេះអាចធ្វើការជ្រើសរើសដោយស្វ័យប្រវត្តិទៅលើ WiFi ដែលល្អបំផុតជាមួយនឹង WiFi signal ខ្លាំងជាងគេក្នុងការប្រើប្រាស់ថែមទៀតផង។
ទស្សនាកាន់តែធំជាងមុន និងរីករាយជាងមុន
កុំព្យូទ័រ Vivobook S 15 OLED នេះមានអេក្រង់ទំហំ 15.6-inch 2.8K 120 Hz OLED display ដំបូងបំផុតរបស់ពិភពលោក។ កុំព្យូទ័រនេះផ្តល់នូវការទស្សនាដ៏អស្ចារ្យនៅលើអេក្រង់ 15.6-inch three-sided NanoEdge OLED displays ជាមួយនឹងកម្រិតភាពច្បាស់ 4K resolution, 120 Hz refresh rate, 0.2 ms response times និងកម្រិតពន្លឺ 600 nits ថែមទៀត។
ការឌីស្សាញដ៏ល្អឥតខ្ចោះ
នេះគឺជាបេសកកម្មរបស់ក្រុមហ៊ុនASUS ក្នុងការផ្តោតទៅលើទំនាក់ទំនងនៃមនុស្សជាមួយនឹងបច្ចេកវិទ្យា។ កុំព្យូទ័រនេះបំពាក់នូវ ASUS ErgoSense keyboard ចុងក្រោយបំផុតដែលធានាទៅលើសុវត្ថិភាពខ្ពស់ក្នុងការប្រើប្រាស់ និងអារម្មណ៍កាន់តែរីករាយថែមទៀត។ កុំព្យូទ័រនេះក៏បំពាក់នូវ password-free login ជាមួយនឹង Windows Hello ហើយវាក៏មាន fingerprint sensor នៅលើប៊ូតុង power ថែមទៀត។ កុំព្យូទ័រនេះក៏មាន I/O ports ជាច្រើនដូចជា 2x ultrafast USB 3.2 Gen 2 USB-C® ports, HDMI® 2.0 port, USB 3.2 Gen 1 Type-A port និង audio combo jack ថែមទៀត។
តម្លៃ និងកាលបរិច្ឆេទនៃការលក់
កុំព្យូទ័រ Vivobook S 15 OLED (M3502) ដែលបំពាក់នូវបន្ទះឈីប AMD នេះអាចរកទិញបាននៅគ្រប់ហាងចែកចាយទាំងអស់របស់ក្រុមហ៊ុន ASUS នៅក្នុងតម្លៃចាប់ពី $699។ សម្រាប់ព័ត៌មានបន្ថែម សូមទំនាក់ទំនងទៅកាន់អ្នកតំណាងរបស់ក្រុមហ៊ុន ASUS ៕
