កាលពីថ្ងៃទី 8 ខែតុលា ឆ្នាំ2022 កន្លងទៅនេះ ក្រុមហ៊ុន Tecno ដែលជាស្លាកយីហោទូរស័ព្ទដៃឆ្លាតវៃ និង បរិក្ខារអេឡិចត្រូនិចដែលមានវត្តមានជាង 60 ប្រទេស លើពិភពលោក រួមទាំងប្រទេសកម្ពុជាផងនោះ បានប្រកាសសម្ពោធនូវមជ្ឈមណ្ឌលតាំងបង្ហាញ និងបំរើសេវាកម្មជួសជុល ជាសាខាទីពីររបស់ខ្លួននៅរាជធានីភ្នំពេញ ដែលមានអាស័យដ្ឋានស្ថិតនៅ ផ្ទះលេខ 213A ផ្លូវត្រសក់ផ្អែម(63) សង្កាត់បឹងកេងកង1 ខណ្ឌចំការមន រាជធានីភ្នំពេញ។
បើតាមការបញ្ជាក់ពីតំណាងក្រុមហ៊ុន Tecno បានអោយដឹងថា គោលបំណងសំខាន់នៃការសម្ពោធនូវមជ្ឈមណ្ឌលតាំងបង្ហាញ និងបំរើសេវាកម្មជួសជុលសាខាទីពីរបន្ថែមលើសាខា ផ្សារទំនើបសូរិយាជាន់ទីពីរ គឺដើម្បីពន្លឿនសេវាកម្មសម្រាប់អតិថិជនទាំងអស់ ដោយសារនៅសាខាបឹងកេងកងមានទីតាំងនៅចំកណ្តាលទីក្រុង ធំទូលាយ និង ងាយស្រួលសម្រាប់អតិថិជនស្វែងរក។
វត្តមានមជ្ឈមណ្ឌលតាំងបង្ហាញ និងបំរើសេវាកម្មជួសជុលថ្មីនេះជាកន្លែងដាក់តាំងបង្ហាញនូវផលិតផលទូរស័ព្ទឆ្លាតវៃ និង បរិក្ខារអេឡិចត្រូនិចផ្សេងៗ សម្រាប់ភ្ញៀវសាកល្បងប្រើប្រាស់ ផលិតផលផ្ទាល់ សាកសួរព័ត៌មានផ្សេងៗ និងជាវផលិតផល Tecno ក្រៅពីនេះ មជ្ឈមណ្ឌលទទួលជួសជុលទូរស័ព្ទរបស់ខ្លួនផងដែរ។
ក្នុងពិធីសម្ពោធនេះ មានការចូលរួមពីសំណាក់ថ្នាក់ដឹកនាំក្រុមហ៊ុន Tecno ដៃគូរសហការ ប្រិយមិត្ត ភ្ញៀវកិត្តិយស បុគ្គលិកក្រុមហ៊ុន និងអ្នកសារព័ត៌មានជាច្រើនរូបថែមទៀតផង។
