នេះ ក្រុមហ៊ុន ASUS ទើបតែបង្ហាញនូវកុំព្យូទ័រស៊េរីថ្មី 2023 Vivobook Classic series របស់ខ្លួននោះគឺ 16-inch Vivobook 16X (K3605) ។ នៅក្នុងនាមជាកុំព្យូទ័រ flagship នៅក្នុងស៊េរីម៉ូឌែលនេះ កុំព្យូទ័រនេះបំពាក់នូវក្រាហ្វិកកាត NVIDIA GeForce RTX™ 2050 GPU និងបន្ទះឈីបដល់ទៅ 13th Gen Intel Core H-series processors និងរ៉េមទំហំ 8GB ។ បន្ថែមពីនេះទៀតនោះ កុំព្យូទ័រ K3605 នេះមានសមត្ថភាពខ្លាំងក្លាបំផុតសមទៅនឹងតម្លៃរបស់វាថែមទៀត។
កុំព្យូទ័រ Vivobook 16X (K3605) នេះមានអេក្រង់ FHD ។ បន្ថែមពីនេះ វាក៏មានប្រព័ន្ធសំឡេង Dirac-tuned audio system និង HD webcam ជាមួយនឹង ASUS 3D Noise Reduction (3DNR) ដែលធានាទៅលើការកម្សាន្តបានយ៉ាងសម្បូរបែប ហើយវាក៏មានល្អឥតខ្ចោះសម្រាប់កិច្ចប្រជុំ (video conferencing) ថែមទៀត។ កុំព្យូទ័រនេះបំពាក់នូវ WiFi 6E (802.11ax) និងថាមពលថ្មប្រើប្រាស់បានយូរដែលងាយស្រួលក្នុងការចល័តយកតាមខ្លួនថែមទៀត។ កុំព្យូទ័រនេះមាន I/O Ports ជាច្រើនដូចជា Thunderbolt™ 4, USB 3.2 Gen 1 Type-C® និង Type-A និង HDMI® 2.1 រួមជាមួយនឹង SD card reader ថែមទៀត។
បើមើលទៅលើការឌីស្សាញនោះ កុំព្យូទ័រ Vivobook នេះក៏មានការតេស្តទៅលើ MIL-STD-810H ថែមទៀត។ វាក៏មាន 30% post-consumer recycled (PCR) plastics និង 100% recyclable packaging ហើយកុំព្យូទ័រនេះក៏ទទួលបាននូវស្តង់ដារ EPEAT Silver និង ENERGY STAR® standards ថែមទៀតដែលនេះបង្ហាញអំពីការប្តេជ្ញាចិត្តរបស់ក្រុមហ៊ុន ASUS ក្នុងការផលិតនូវផលិតផលដែលមិនប៉ះពាល់ដល់បរិស្ថាន។ កុំព្យូទ័រថ្មីនេះមាន 2 ពណ៌ដ៏ស្រស់ស្អាតគឺ Indie Black ឬ Cool Silver ដែលពិតជាទាក់ទាញមែនទែនក្នុងការប្រើប្រាស់។ បន្ថែមពីនេះ វាក៏មានម៉ូឌែលថ្មីដែលប្រកាសនៅក្នុង 2023 Vivobook Classic series ផងដែរនោះគឺ 16-inch Vivobook 16X ដែលមានអេក្រង់ FHD+ IPS 16:10 ជាមួយនឹងបន្ទះឈីប Intel Core i5-12450H processor ។
កម្លាំងម៉ាស៊ីនខ្លាំងក្លាក្នុងការប្រើប្រាស់
ជាមួយនឹងការផ្តល់នូវជម្រើសច្រើនក្នុងការជ្រើសរើសទៅលើទំហំអេក្រង់ និងសមត្ថភាពនោះ កុំព្យូទ័រ 2023 នេះកឺមានត្រកូល Vivobook 14X OLED (K3405) និង 16X OLED (K3605) ។ កុំព្យូទ័រនេះបំពាក់នូវបន្ទះឈីប 12th Gen Intel Core i5-12450H processor ជាមួយនឹងក្រាហ្វិកកាត NVIDIA GeForce RTX 2050 GPU ដែលមានបច្ចេកវិទ្យាជាច្រើនដូចជា ray tracing, AI acceleration និង GDDR6 memory ហើយវាក៏មាន NVIDIA Studio drivers ដែលមានកម្លាំងដល់ទៅ 70 watts ជាមួយនឹង thermal design power (TDP) ដែលល្អបំផុតនៅក្នុងការធ្វើការងារប្រចាំថ្ងៃ ការងារ multitasking និងការងារច្នៃប្រឌិតជាច្រើនទៀត។ បន្ថែមពីនេះ កុំព្យូទ័រ Vivobook 16X (K3605) នេះមាន MUX Switch ដែលអនុញ្ញាតអោយអ្នកប្រើប្រាស់ជាច្រើនអាចធ្វើការផ្លាស់ប្តូរទៅលើល្បឿននៃក្រាហ្វិកកាតរបស់វា។ កុំព្យូទ័រនេះក៏មាន ultrafast 512GB SSDs ផងដែរ។ កុំព្យូទ័រនេះមានបំពង់បំភាយកំដៅ 8 mm heat pipes និង IceBlade fan ដែលធ្វើអោយម៉ាស៊ីនត្រជាក់ក្នុងការប្រើប្រាស់។
ការកម្សាន្តដ៏សម្បូរបែប
កុំព្យូទ័រ Vivobook ថ្មីនេះផ្តល់នូវការទស្សនាដ៏អស្ចារ្យជាមួយនឹងព័ត៌មានច្បាស់ និងអេក្រង់ FHD panels ថែមទៀត។ អ្នកប្រើប្រាស់អាចប្រើប្រាស់នូវកាមេរ៉ា AI-enhanced HD camera system ដែលមានបំពាក់នូវបច្ចេកវិទ្យា ASUS 3DNR technology និង ASUS AI noise-canceling audio technology ដែលអាចកាត់បន្ថយទៅលើសំឡេងរំខានបានយ៉ាងល្អ។ សម្រាប់ការកម្សាន្តដ៏អស្ចារ្យនោះ កុំព្យូទ័រគ្រប់ម៉ូឌែលនេះគឺមានប្រព័ន្ធ ASUS SonicMaster audio system ដែលផ្តល់នូវសំឡេងច្បាស់ និងពិរោះក្នុងការប្រើប្រាស់ថែមទៀត។ បន្ថែមពីនេះ វាក៏មាន ASUS Audio Booster ដែលអាចបង្កើនសំឡេងបានដល់ទៅ 1.5X និងថាមពលថ្ម 70 Wh ដែលប្រើប្រាស់បានយូរ និងបច្ចេកវិទ្យាសាកថ្មលឿនថែមទៀត។
ភាពសម្បូរបែបក្នុងការភ្ចាប់ទំនាក់ទំនង
អ្នកប្រើប្រាស់នឹងរីករាយជាមួយនឹងការតភ្ជាប់ទៅកាន់ឧបករណ៍ជាច្រើនបានជាមួយនឹងកុំព្យូទ័រ Vivobook ថ្មីនេះដែលមានដូចជា Thunderbolt™ 4 USB-C port ជាមួយនឹងការទ្រទ្រង់នូវ 40Gbps data transfers, Power Deliver និង DisplayPort™; 2x USB 3.2 Gen 1 Type-A ports; HDMI port និង SD card reader ថែមទៀត។ វាក៏មានបច្ចេកវិទ្យា WiFi 6E connectivity និង ASUS WiFi Master ផងដែរ។
ការឌីស្សាញសម្រាប់និរន្តរភាព
ក្រុមហ៊ុន ASUS ប្តេជ្ញាចិត្តនៅក្នុងការការពារទៅលើភពផែនដីនេះតាមរយៈការបង្កើតនូវផលិតផលជាច្រើនដែលមិនប៉ះពាល់ដល់បរិស្ថាន ជាក់ស្តែងដូចជាវត្តមានរបស់កុំព្យូទ័រ Vivobook នេះ។ កុំព្យូទ័រនេះប្រើប្រាស់នូវ 30% PCR plastics និង packaging 100% recyclable ។ ថាមពលថ្មរបស់វាក៏មានស្តង់ដារ ENERGY STAR power-efficiency standard ហើយវាក៏មានស្តង់ដារ EPEAT Silver eco-label standard ផងដែរ។ ក្រៅពីនេះ វាក៏មានស្តង់ដារ MIL-STD-810H US military-grade standard ចុងក្រោយបំផុតថែមទៀត។
តម្លៃ និងកាលបរិច្ឆេទនៃការលក់
កុំព្យូទ័រ ASUS Vivobook 16X (K3605) នេះអាចរកទិញបាននៅគ្រប់ហាងចែកចាយរបស់ក្រុមហ៊ុន ASUS នៅក្នុងតម្លៃចាប់ពី $799 ។សម្រាប់ព័ត៌មានបន្ថែម សូមទំនាក់ទំនងទៅកាន់អ្នកតំណាងរបស់ក្រុមហ៊ុន ASUS ៕
