កាលពីថ្ងៃទី 4 ខែមេសា ឆ្នាំ 2025 នេះ ក្រុមហ៊ុន សាមសុង និង ក្រុមហ៊ុន ស៊ុនស៊ីម៉ិចកូ បានប្រកាសជាផ្លូវការនូវកិច្ចសហការរួមគ្នា ទៅលើដាក់លក់បន្ថែមនូវទូរសព្ទដៃសាមសុងគ្រប់ម៉ូឌែល ដែលមានលក់នៅគ្រប់សាខាស៊ុនស៊ីម៉ិចកូ។
ព្រឹត្តិការណ៌នេះ បានប្រារព្ធឡើងនៅក្រុមហ៊ុន ស៊ុនស៊ីមិចកូ សាខាបូកគោ ដោយមានការអញ្ជើញចូលរួមពីសំណាក់អ្នកគ្រប់គ្រងពីក្រុមហ៊ុន សាមសុង និងគណៈគ្រប់គ្រងក្រុមហ៊ុនស៊ុនស៊ីម៉ិចកូ រួមនិង Influencers ល្បីៗប្រចាំប្រទេសកម្ពុជា ក៏ដូចជងអ្នកសារព័ត៌មានជាច្រើនមកទស្សនា និងធ្វើការតេស្តផលិតផលដោយផ្ទាល់។
ដូច្នេះ ចាប់ពីថ្ងៃទី 5 ខែមេសា ឆ្នាំ 2025 នេះ លោកអ្នកដែលមានតម្រូវការទៅលើផលិតផលរបស់ក្រុមហ៊ុនសាមសុងគ្រប់ប្រភេទ អាចទៅរកបាននៅសាខាធំៗរបស់ស៊ុនស៊ីម៉ិចកូហើយ។ ជឿជាក់ថា បងប្អូនទាំងអស់គ្នាប្រាកដបានជ្រាបរួចមកហើយថា ក្រុមហ៊ុន ស៊ុនស៊ីម៉ិចកូ មានលក់គ្រប់ផលិតផលគ្រឿងអេឡិចត្រូនិកទាំងអស់របស់សាមសុងជាយូរមកហើយ ប៉ុន្តែសម្រាប់កិច្ចសហការរួមគ្នា ក្រុមហ៊ុន សាមសុង គឺបានធ្វើការប្រកាសដាក់លក់ បន្ថែមនូវទូរសព្ទដៃសាមសុង គ្រប់ម៉ូឌែល ដែលមានលក់នៅគ្រប់សាខាស៊ុនស៊ីម៉ិចកូ។
គោលបំណងនៃកិច្ចសហការនេះ គឺដើម្បីឱ្យអតិថិជនសាមសុង មានភាពងាយស្រួលជាង មុន ដោយអតិថិជនគ្រាន់តែអញ្ជើញទៅតែមួយកន្លែង គឺអាចរកទិញបានគ្រប់ផលិតផល ទាំងអស់របស់សាមសុង ដែលមានដូចជាទូរសព្ទដៃគ្រប់ម៉ូឌែល ថេប្លេត ម៉ាស៊ីនបោកគក់សម្លៀកបំពាក់ ម៉ាស៊ីនត្រជាក់ ទូទឹកកក ទូរទស្សន៍ និងគ្រឿងអេឡិចត្រូនិកផ្សេងទៀតជាច្រើន គឺសុទ្ធសឹងតែមានលក់នៅក្នុងហាងស៊ុនស៊ីមិចកូ គ្រប់សាខាទាំងអស់។ លើសពីនេះ អតិថិជនក៏អាចអញ្ជើញទៅទស្សនា និងតេស្ដដោយផ្ទាល់ដៃនូវផលិតផលដែលលោកអ្នកកំពុងតែត្រូវការបានផងដែរ។
បន្ថែមពីនេះ នៅក្នុងកម្មវិធីក៏មានការធ្វើបទបង្ហាញអំពីផលិតផលទាំងអស់របស់សាមសុង ដោយផលិតផលនីមួយៗសុទ្ធសឹងតែបំពាក់មកជាមួយនូវបច្ចេកវិទ្យា AI មិនថា គ្រឿងអេឡិចត្រូនិក ឬ ទូរសព្ទនោះទេ។ សូមបញ្ជាក់ថា ក្រុមហ៊ុន សាមសុង តែងតែនាំមុខគេលើវិស័យបច្ចេកវិទ្យា ទាំងសម្ភារៈប្រើប្រាស់ក្នុងគេហដ្ឋាន និងទូរសព្ទដៃ សុទ្ធតែទំនើបៗបំផុត ដោយបំពាក់នូវប្រព័ន្ធ AI ដែលអាចបញ្ជាបានតាមទូរសព្ទ។
ឆ្លៀតក្នុងឱកាសដ៏ពិសេសនេះ ក៏មានការផ្ដល់ជូននូវប្រូម៉ូសិនដ៏រំភើបរីករាយដល់អតិថិជន ដែលអញ្ជើញទៅទិញដល់ហាងដោយផ្ទាល់ដែលចំណាយអស់ចាប់ពី 500$ នឹងទទួលបានសន្លឹកឆ្នោត 01 សន្លឹក និងមានឱកាសឈ្នះរង្វាន់ជាច្រើនផងដែរ។ ដូចនេះ ប្រញាប់រួសរាន់ឱ្យទាន់ប្រូម៉ូសិនណ៎ា!!
បញ្ជាក់! សូមអតិថិជនធ្វើការបញ្ជាទិញផលិតផលដែលមានបង់ពន្ធត្រឹមត្រូវដើម្បីសុវត្ថិភាពក្នុងការប្រើប្រាស់។ កុំភ្លេចបញ្ជាទិញផលិតផលដែលមានប័ណ្ណធានាត្រឹមត្រូវ។ សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្ត ដោយផ្ទាល់ដៃនៅតាមសាខាស៊ុនស៊ីម៉ិចកូ ដែលនៅជិតលោកអ្នកបំផុត។
លក្ខខណ្ឌផ្សេងៗត្រូវបានអនុវត្ត!
