កាលពីថ្ងៃទី 1 ខែមីនា កន្លងទៅនេះ ក្រុមហ៊ុនផលិតភាពយន្ត X Media បានរៀបចំនូវការជួបជុំគ្នាមួយរវាង ផលិតករខ្មែរ ក៏ដូចជាតារាថ្មីក្មេងៗ ជាច្រើនរូប ដើម្បីប្រកាសចេញនូវគម្រោងនៃការផលិតខ្សែភាពយន្តអន្តរជាតិមួយក្រោមចំណងជើងថា "អ្នកឆ្លងកាត់សួនតារា" ដែលនៅក្នុងសាច់រឿងនេះ គឺនឹងមានការបង្ហាញពីកិច្ចសហការរវាងវប្បធម៌ចិន និងកម្ពុជា។ ព្រឹត្តិការណ៌នេះ ត្រូវបានរៀបចំឡើងនៅសណ្ឋាគារ JD Polman Hotel & Residence ក្រោមវត្តមានផលិតករក្មេងៗ តារាៗក្មេងៗ រួមជាមួយនិងអ្នកពាក់ព័ន្ធជាច្រើនរូប។
លោក Wen Xin ដែលជាប្រធាន X Media បានមានប្រសាសន៍ថា ភាពយន្តខ្នាតខ្លីថ្មី ដែលជាកិច្ចសហប្រតិបត្តិការរវាងក្រុមហ៊ុន និងផលិតករខ្មែរនេះ គឺនឹងការបញ្ចាំងនៅលើកម្មវិធីកម្សាន្តធំៗជាច្រើន មានដូចជា Tik Tok និង Netflix ជាដើម។ លោកបានបញ្ជាក់ថា កន្លងមក ក្រុមហ៊ុនធ្លាប់បានផលិតនូវស្នាដៃធំៗ ហើយមានច្រើនប្រភេទ ដែលក្នុងនោះ គឺមានអ្នកទស្សនាសរុបចំនួន 500 លានដងឯណោះ ។
លោកបានបន្តថា ខ្សែភាពយន្តថ្មីនេះ ក៏គ្រោងនឹងចាក់ផ្សាយនៅលើកញ្ចក់ទូរទស្សន៍កម្ពុជា រោងភាពយន្តតៃវ៉ាន់ និងវេទិកានៅក្នុងស្រុកមួយទៀត ដូចជា Tik Tok, iQiyi, និង Youku ផងដែរ។
ជាពិសេសនោះ គឺនឹងចេញផ្សាយនៅក្នុងពេលដំណាលគ្នានៅលើប្រព័ន្ធផ្សព្វផ្សាយអន្តរជាតិដូចជា YouTube, Netflix និង TikTok ដែលគ្របដណ្តប់ជាង 50 ប្រទេស និងតំបន់ផ្សេងៗទៀតផង។ នៅក្នុងអំឡុងពេលនៃការបញ្ចាំងភាពយន្ត ម៉ាកដែលសហការគ្នាអាចរួមបញ្ចូលយ៉ាងស៊ីជម្រៅទៅក្នុងគ្រោងតាមរយៈការបើកអោយមានការផ្សាយពាណិជ្ជកម្ម ការបញ្ចូលឈុតឆាកជាដើម។
ក្រុមហ៊ុននេះបានបញ្ជាក់ថា គម្រោងភាពយន្ត "អ្នកឆ្លងកាត់សួនតារា" មិនត្រឹមតែជាកាជុំរុញភាពក្លាហានក្នុងការបង្កើតខ្សែភាពយន្ត និងទូរទស្សន៍ប៉ុណ្ណោះទេ ប៉ុន្តែក៏ជាការផ្លាស់ប្តូរ និងការសហការគ្នានៃវប្បធម៌ចិន និងកម្ពុជាផងដែរ។
យើងទន្ទឹងរង់ចាំក្នុងការកសាងស្ពានវប្បធម៌រវាងប្រទេសចិន និងកម្ពុជា ដើម្បីឱ្យមនុស្សកាន់តែច្រើនអាចទទួលបាននូវភាពទាក់ទាញពិសេស និងបេតិកភណ្ឌដ៏ជ្រាលជ្រៅនៃវប្បធម៌ចិន និងកម្ពុជា ខណៈពេលដែលរីករាយនឹងភាពយន្ត។ តាមរយៈទម្រង់សិល្បៈនៃភាពយន្ត មិនត្រឹមតែផ្តល់ឱ្យទស្សនិកជននូវបទពិសោធន៍ផ្នែកសោតទស្សន៍តែមួយគត់ទេ គឺថែមទាំងបង្កើតវេទិកាផ្សព្វផ្សាយម៉ាកយីហោដែលមានសក្តានុពលខ្ពស់សម្រាប់អ្នកឧបត្ថម្ភផងដែរ។
ការផ្សព្វផ្សាយការវិនិយោគភាពយន្តសម្រាប់ "អ្នកឆ្លងកាត់សួនតារា" ត្រូវបានបើកយ៉ាងពេញទំហឹង យើងសូមអញ្ជើញអ្នកជំនួញមកពីគ្រប់មជ្ឈដ្ឋានឱ្យចូលរួមជាមួយយើង ដើម្បីរួមគ្នាបើកជំពូកថ្មីនៃកិច្ចសហប្រតិបត្តិការពាណិជ្ជកម្មភាពយន្ត និងទូរទស្សន៍ ហើយធ្វើការរួមគ្នាដើម្បីបង្កើតអនាគតដ៏ត្រចះត្រចង់។
